Sujana Chowdhary : బీజేపీ ఎంపీ సుజనాచౌదరి కి ఎన్ ఫోర్స్ మెంట్ డైరెక్టరేట్ నోటీసులు జారీ చేసింది.
ఈనెల 12వ తారీకున విచారణకు హాజరు కావాలని సుజనా చౌదరికి ఈడీ నోటీసులు జారీ చేయడం జరిగింది. 5,700 కోట్ల మేర బ్యాంకులను మోసం చేశారని సుజనా చౌదరి పై ఈడీ గతంలోనే కేసులు నమోదు చేయడం జరిగింది. కేంద్ర మంత్రిగా ఉన్న సమయంలోనే సుజనా చౌదరి అక్రమాలకు పాల్పడినట్లు అభియోగాలు రావటంతో ఆయనపై మూడు ఎఫ్ఐఆర్లు నమోదు చేసిన సీబీఐ అప్పట్లోనే.. వచ్చిన ఆరోపణల ప్రకారం తనిఖీలు చేసి కేసు పెట్టడం జరిగింది. ఇదిలా ఉంటే తాజాగా 126 షెల్ కంపెనీలు సృష్టించినట్లు ఈడీ ఆధారాలు సేకరించినట్లు సమాచారం. ఈ క్రమంలోనే సుజనా చౌదరికి నోటీసులు జారీ చేసినట్లు టాక్. దీంతో ఈనెల 12వ తేదీన విచారణకు హాజరు కావాలని ఎన్ ఫోర్స్ మెంట్ డైరెక్టరేట్ (ఈడీ) నోటీసులలో పేర్కొనటం జరిగింది. ఇదిలా ఉంటే 2019 సంవత్సరంలో తెలుగుదేశం పార్టీ చిత్తుచిత్తుగా ఓటమి చెందిన తర్వాత.. సుజనా చౌదరి బిజెపి పార్టీలో చేరటం తెలిసిందే. ఈ క్రమంలో ఆయనకు నోటీసులు రావడంతో ఈ వార్త జాతీయస్థాయిలో చర్చనీయాంశంగా మారింది.
