Social media : సోషల్ మీడియా Social media ఈ రోజుల్లో దీని గురించి తెలియని వాళ్ళు ఎవరు లేరు అంటే ఆశ్చర్యం లేదు..పల్లె నుంచి పట్నం వరకు అందరూ తమ సమయాన్ని పణం గా పెట్టి బ్రతికేస్తున్నారు.చిన్న పిల్లల దగ్గరనుండి మొదలు పెద్దవారి వరకు అందరూ సోషల్ మీడియా కి అంకితమై పోతున్నారు. ఇంతకూ ముందు వరకు కేవలం యువత మాత్రమే ఎక్కువ సమయం గడుపుతున్నారు అని అనుకునేవారు…కానీ ఈ మధ్య కాలంలో వృద్దులు కూడా సోషల్ మీడియా లోనే సమయాన్ని ఎక్కువగా గడిపేస్తున్నారు. అయితే ఈ సోషల్ మీడియా తో ఎన్ని లాభాలు ఉన్నాయో అన్ని నష్టాలు కూడా ఉన్నాయి.
వ్యాపారం , విద్య, ఉద్యోగ, స్నేహం, కుటుంబాలు ఇలా ఎన్నో అవసరాలకు సోషల్ మీడియా ఉపయోగపడుతున్నప్పటికీ… నష్టాలు అంతకు మించి ఉంటున్నాయి అని చెప్పక తప్పదు.
విద్యార్థులు చదువు పట్ల అసలుశ్రద్ధ పెట్టలేకపోతున్నారు. విద్యార్థుల యొక్క మానసిక పరిపక్వతకూడా దీని వలన దెబ్బతింటుంది. ఆలోచన శక్తి కోల్పోతున్నారు. సమయాన్ని వృథా చేసుకుంటున్నారు. వారికీ వచ్చిన పనులు కూడా శ్రద్ధ తో చేయలేకపోతారు.
ఏ పని మీద ధ్యాస లేకుండా ఎంతసేపు సోషల్ మీడియా గురించి ,ఫ్రెండ్స్ పెడుతున్న పోస్ట్ లకు లైక్ లు కొట్టడం వారు పెట్టిన వాటికీ ఎన్ని లైక్స్ వచ్చాయో చూసుకోవడం.. చాటింగ్ కొత్త పరిచయాలు ఇలా అనేక రకాలుగా జీవితం దారి తప్పుతుంది. ఇక జాబ్ చేసేవారి పరిస్థితి కూడా ఇలాగే ఉంది. కొంచెం సమయం దొరికిన సోషల్ మీడియాలోకి వెళ్లి పోతున్నారు. ఫోన్ మాట్లాడుతూ కూడా సోషల్ మీడియా లో రిప్లై లు పోస్టులు పెట్టేస్తున్నారు. ఎక్కువ సమయం ఇలా సోషల్ మీడియా లో గడపడం వలన జ్ఞాపక శక్తి కోల్పోతున్నారు..
తరచుగా ఉపయోగించే పదాలు కూడా గుర్తు రావడం లేదని ఈ మధ్య జరిగిన ఒక పరిశోధన లో తెలిసింది. కొన్ని సంఘటనలు, వ్యక్తులను , వారి పేర్లను,ఇలాంటి వాటిని కూడా మర్చిపోతున్నారట. ఇది మాములు విషయం కాదు…తగిన జాగ్రత్తలు తీసుకుంటూ, ప్రయత్న పూర్వకంగా దీని నుండి బయటపడకపొతే అన్ని వయసులవారికి నష్టం తప్పదని నిపుణులు హెచ్చరిస్తున్నారు.