Elachi: యాలుకలు ప్రతి ఇంటి వంట గదిలో ఖచ్చితంగా ఉంటుంది.. పిండి పదార్థం ఏదైనా, స్వీట్ ఏదైనా కచ్చితంగా యాలుక వేయాల్సిందే.. యాలుక వేసిన ఏ పదార్థం రుచైనా అమోఘంగా ఉంటుంది.. యాలుకలలోని గింజలలో ఔషధ గుణాలు మెండుగా ఉన్నాయి.. యాలుకలు ఈ క్రింది విధంగా పానీయంగా తయారు చేసుకుని తాగితే కలిగే ప్రయోజనాలు ఏమిటో ఇప్పుడు తెలుసుకుందాం..!!
ఆయుర్వేద వైద్య విధానంలో డస్ట్ అలర్జీ, ఆస్తమా, కిడ్నీలో రాళ్లు, బలహీనతను పోగొట్టడంలో యాలుకలను ఎన్నో రకాలుగా ఉపయోగిస్తున్నారు. నోటి దుర్వాసనను పోగొట్టడంలో యాలుకలు ముఖ్య పాత్ర పోషిస్తాయి. మానసిక ఒత్తిడిని ఎదుర్కొనే వారు యాలుకల టీ తాగితే ఇట్టే ఉపశమనం పొందవచ్చు.. మానసిక ఒత్తిడి తో బాధపడే వారి కోసం ఆయుర్వేద నిపుణులు ఓ చక్కని పానీయాన్ని కనుగొన్నారు. సాధారణంగా టీ తాగే అలవాటు అందరికీ ఉంటుంది. అదే టీ లో టీ పొడి తక్కువగానూ, యాలుకల పొడి ఎక్కువగా వేసుకుని పానీయంగా తయారుచేసుకుని తాగితే నూతనోత్సాహం వలన మానసిక ఒత్తిడి నుండి త్వరగా ఉపశమనం కలుగుతుంది.
యాలకలను నోట్లో వేసుకొని నమలడం వల్ల నోటి దుర్వాసన పోవటమే కాకుండా నోటి నుంచి మంచి వాసన వస్తుంది. ఎండలో ఎక్కువగా తిరగడం వలన వచ్చిన తలనొప్పి, వాంతులు, ఊపిరితిత్తుల్లో కఫం, నోటిలో నీరు ఊరడం వంటి సమస్యలన్నింటికీ నోట్లో వేసుకొని నమలడం చక్కటి పరిష్కారం. బరువు తగ్గాలని భావించేవారు రాత్రిపూట రెండు యలుకలను నమిలి గ్లాసుడు గోరు వెచ్చని నీటిని తాగితే ఫలితం మీరే గమనించొచ్చు.
