Happy Life : భార్యభర్తలు ఇద్దరు బయట కి శరీరాలు విడివిడిగా ఉన్నా ఆమె ఈయనతో, ఈయన ఆమెతో.. ఒకరితో ఒకరు ఎప్పుడూ కలిసి ఉండాలనే మనస్సు తపించిపోవాలి. ఒక్కోసారి ఇద్దరు పడుకునే ముందు చిన్నపిల్లల్లా మంచి కథలు చెప్పుకుంటూ౦టే, ప్రతీరోజూ ఒక కొత్త అనుభవం గానే ఉంటుంది.కుదిరినప్పుడు ఇండోర్ లేదా అవుట్ డోర్ ఆటలు ఆడదానికి ప్రాముఖ్యతని ఇవ్వండి. అంతే తప్పా అనవసరపు విషయాల ను మధ్యలోకి తీసుసుకురావడం వలన ఇద్దరి మధ్య దూరాన్ని పెంచుతాయి. లేని సమస్యలను తీసుకొస్తాయి..
ఏదైనా పరిస్థితి వచ్చినప్పుడు ఒకరికి ఒకరు తమ ఆలోచనలు, నిర్ణయాలు స్వతంత్రంగా తీసుకోవడం మంచిదే అయినప్పటికీ ఇద్దరు వాటి గురించి చెప్పుకోవాలి. భార్యకు అనారోగ్యం వస్తే భర్త, భర్తకు అనారోగ్యంవస్తే భార్య తోడుగా ఉండాలితప్ప వదిలిపెట్టి వెళ్లే మనస్తత్వం కలిగి ఉండకూడదు.
నా భార్య ఎప్పుడు నా కోసం వంటగదిలో భోజనాన్ని వండి పెట్టే ఒక యంత్రంగా గా పనిచేయడం నాకు ఇష్టం లేదు. నేను కూడా వంట చేయగలను అని … సహృదయం తో ఆలోచించి భార్యకు సహాయం చేస్తే బంధం మరింత పదిలం గా ఉంటుంది.
భర్త ఆఫీస్ నుండి లేదా ఇంకా ఏదైనా పని నుండి రావడం ఆలస్యం అవుతుందని తెలిసినా తను ఆకలితో ఉండి భర్త కోసం ఎదురుచూడటం అనేది ఎంత మాత్రం ప్రేమ అనిపించుకోదు. నా కోసం నా భార్య, ఎదురుచూడలే కానీ ఆకలితో ఎదురు చూడక్కరలేదు అని ప్రేమ పూర్వకం గా భావించాలి. అదే విషయం వారికీ తెలియచేయాలి. ఒక్కోసారి నాకు ఆలస్యం అవుతుంది కాబట్టి తను సమయానికి తిని పడుకోవాలి అని అనుకోవాలి.అలాగే భర్తకి ఆలస్యం అవుతుంది అంటే స్వల్పం గా ఏదైనా తినడమో ,తాగడమో చేయమని భర్తకి చెబుతుండాలి.. ఆ విషయాలు వారికీ తెలియవు అని కాదు ఇది ప్రేమ అంతే ..
భర్త ఏదైనాజోక్ చేసినప్పుడు ఒకవేళ భార్యకు అర్ధం కాకపోయినా సరే కానీ కొంచెం నవ్వితే బాగుంటుంది. కొంచెమైనా సెన్సాఫ్ హ్యూమర్ ఉంటే తమ జీవితం మరింత సంతోషకరంగా ఆనందంగా గడుస్తుంది.
భార్యాభర్తలు ఇద్దరూ సమానం అనే విషయాన్ని పూర్తిగా నమ్మాలి. భర్తగా నాకు ఎంత హక్కు ఉందో, భార్య గా తనకు అంతే హక్కు, బాధ్యత ఉందిఅని భావించాలి. ఒకరు ఎక్కువ ఒకరు తక్కువ కాదు మా జీవితం లో మేమిద్దరం సమానమే అని అనిపించినప్పుడు మాత్రమే ప్రతి దాంపత్య జీవితం సుఖం గా ఉంటుంది.