Mystery: చాలా మందికి దెయ్యాలు అన్నా ఆత్మలు అన్నా చాలా భయం. అలాగే ఇంకొంతమందికి ఇటువంటివి అంటే భలే ఆసక్తి ఉంటుంది. హారర్ సినిమాలు చూడాలన్నా, సూపర్ నాచురల్ కథలు వినాలన్నా చాలా ఆసక్తితో ఉంటారు. అమెరికా లో ఇప్పటికి మిస్టరీ Mystery గానే మిగిలిపోయిన ఓ అమ్మాయి కేసు ఇది… 2013 లో లాస్ ఏంజెలెస్ లో సంచాలన్నాని సృష్టించింది ఈ కేసు. వివరాలలోకి వెళితే….
2013 వ సంవత్సరంలో 21 ఏళ్ల ఎలిసా లామ్ అనే యువతీ లాస్ ఏంజెలెస్ లో హోటల్ సెసిల్ (Cecil) అనే హోటల్ లో రూమ్ తీసుకుని ఉంటుంది. అయితే కొన్ని రోజులుగా తమ కూతురు కనిపించడం లేదు అంటూ ఎలిసా తల్లిదండ్రులు పోలీసులను ఆశ్రయించారు. వెంటనే పోలీసులు ఆమె ఉన్న హోటల్ కి వెళ్లి సోదాలు చెయ్యగా వారికి అక్కడ ఏ ఆధారాలు లభించలేదు. చివరిగా వారు అక్కడి సీసీటీవీ ఫుటేజ్ ను పరిశీలించగా అందులో లభించిన ఆధారాలను చూసి షాక్ అయ్యారు.
పోలీసులకి ఆ సీసీటీవీ ఫుటేజ్ లో ఎలిసా చివరిగా లిఫ్ట్ లోనే కనిపించింది. ఎవరినో చూసి భయపడి లిఫ్ట్ లోకి వెళ్లి దాక్కుని అన్ని ఫ్ల్లోర్ బటన్ లను నొక్కింది. ఆ లిఫ్ట్ ఆగిన ప్రతి ఫ్లోర్ లో ఆమె తల బయటకు పెట్టి చుట్టు అంతా చూస్తూ ఉండిపోయింది. చివరికి ఒక ఫ్లోర్ లో మాత్రం ఎలిసా లిఫ్ట్ నుంచి బయటకు వచ్చింది. ఆ తరువాత మరే కెమెరా లోనూ ఆమె ఆచూకీ లభించలేదు.
అయితే ఎలిసాను చివరిగా చూసింది మాత్రం ఆ హోటల్ పక్కన ఉన్న ఓ బుక్ షాప్ ఓనర్. పోలీసులకి అతడు ఇచ్చిన సమాచారం ప్రకారం ఆమె ఆ బుక్ షాప్ కు వచ్చి తన కుటుంబ సభ్యుల కోసం కొన్ని పుస్తకాలను అలాగే మ్యూజిక్ సీడీ లను తీసుకెళ్లింది. చాలా సంతోషంగా నవ్వుతూనే ఉంది ఆమెలో ఎక్కడా డిప్రెషన్ ఛాయలు కనిపించలేదని అతడు చెప్పుకొచ్చాడు.