ఆర్ ఆర్ ఆర్.. రౌద్రం రణం రుథిరం. ఇప్పుడు దేశంలో ప్రతీ ఒక్కరు మాట్లాడుకుంటుంది.. ఎంతో ఆసక్తికరంగా ఎదురు చూస్తుంది ఈ సినిమా గురించే. ఎన్ని వేల కోట్ల వసూళ్ళు రాబట్టనుంది. ఈ సినిమాలో తారక్, చరణ్ లు ఎలా నటించారు… ఎవరు ఎక్కువ.. ఎవరు తక్కువగా .. ఇద్దరిలో పాన్ ఇండియన్ స్టార్ ఇమేజ్ ఎవరికి దక్కుతుంది.. ప్రభాస్ రేంజ్ కి వచ్చేది తారక్ ఆ లేక చరణ్ ఆ.. ఇలాంటి ఎన్నో సందేహాలు ప్రేక్షకుల మనసులో మెదులుతున్నాయి.
రాజమౌళి – యంగ్ టైగర్ ఎన్.టి.ఆర్ – మెగా పవర్ స్టార్ రాం చరణ్. ఈ కాంబినేషన్ ని ఊహించడానికే రోమాలు నిక్కబొడుచుకుంటున్నాయి. ఇక ఈ ఇద్దరి స్టార్స్ ని ఒకే ఫ్రేం లో స్క్రీన్ మీద చూస్తున్నప్పుడు ఎలా ఉంటుంది. ఆ క్షణం కోసమే కొన్ని కోట్ల కళ్ళు ఎదురు చూస్తున్నాయి. దానికి తోడు ఇప్పటికే భీం ఫర్ రామరాజు అన్న వీడియో టీజర్ ని ఎన్.టి.ఆర్ వాయిస్ తో రిలీజ్ చేసి ప్రేక్షకుల్లో అంచనాలు పెంచేశారు రాజమౌళి. నా అన్న అల్లూరి అన్న ఒక్క మాట తో ఈ సినిమా ఎలా ఉండబోతుందో హింట్ ఇచ్చారు.
దాంతో ఇప్పుడు అందరూ ఎదురు చూస్తుంది రామరాజు ఫర్ భీమ్ కోసమే. తాజాగా ఇందుకు సంబంధించిన అప్డేట్ ఇచ్చారు రాజమౌళి. ఈ నెల 22 న తారక్ పోషిస్తున్న భీం పాత్రని రివీల్ చేయనున్నట్టు ప్రకటించారు. అందుకే చరణ్ తారక్ కోసం ఏం చేయబోతున్నాడని ఆసక్తిగా చూస్తున్నారు. రీసెంట్ గా ఆర్ ఆర్ ఆర్ చిత్రీకరణ ప్రారంభమయిన సంగతి తెలిసిందే. అయితే ఇప్పుడు ఫోకస్ మొత్తం చరణ్ మీదే ఉందని అంటున్నారు.
కాగా ఈ సినిమాలో ఎన్.టి.ఆర్, చరణ్ లు పోరాట యోధులుగా నటిస్తుండగా మన్యం వీరుడు అల్లూరి సీతారామరాజు గా చరణ్.. కొమరం భీం గా ఎన్.టి.ఆర్ నటిస్తున్నారు. బాలీవుడ్ స్టార్ హీరోయిన్ ఆలియా భట్ చరణ్ కి జంటగా సీత పాత్రలో నటిస్తోంది. బ్రిటన్ మోడల్ ఓలియా మోరిస్ ఎన్.టి.ఆర్ కి జంటగా నటిస్తుంది. అలాగే అజయ్ దేవగన్, శ్రియ శరణ్ ప్రధాన పాత్రలు పోషిస్తున్నారు.