శరీరంలో కొద్దిగా కొవ్వుఉండడం వలన ఏమి కాదు.కానీ ఎక్కువ కొలెస్ట్రాల్ ఉన్నా, ఉండవలిసిన దాని కన్నా ఎక్కువ బరువు ఉంటే మాత్రం ప్రమాదమే. బరువే ఎన్నో అనారోగ్యాలకూ, సమస్యలకూ కారణం అవుతోంది. చాలా మందిని ఈ బరువు సమస్య బాగా వేధిస్తోంది. ఒబెసిటీ అన్నది పెద్దవాళ్లకు మాత్రమే కాదు… పిల్లల్లో నూ ఎక్కువగా కనిపిస్తుంది. ఇందుకు కారణం ఎక్కువ సేపు కూర్చుని టీవీ చూస్తూ ఉండటమే అని తెలిసింది. అదే పనిగా టీవీ చూస్తున్న పిల్లలు విపరీతంగా బరువు పెరిగిపోవడం తో పాటు చిన్నప్పుడు బాన పొట్ట వచ్చేస్తుది.
ఒకసారి పొట్టపెరిగాక పిల్లలు ఎన్ని ఎక్సర్‌సైజులు చేస్తున్నా బరువు అదుపుకావడం లేదు. సైంటిఫిక్ రిపోర్ట్స్ అనే జర్నల్‌లో ఈ అధ్యయనం వివరాల్ని రాశారు. చిన్నప్పుడే బరువు పెరిగిపోయే పిల్లలు… ఎదిగే క్రమం లో ఎన్నోరకాల సమస్యలు ఎదుర్కొంటున్నారు. 9 నుంచీ 12 ఏళ్ల మధ్య వయసున్న 10వేల మంది పిల్లలపై ఫిన్‌లాండ్‌లో ఓ పరిశోధన చేశారు. ఆ పిల్లలందరూ టీవీల్లో రకరకాల కార్యక్రమాలు యానిమేషన్లు ,కార్టూన్లు,చూస్తున్నారు.
వాళ్ల ఎత్తు , బరువు , నడుం చుట్టుకొలతలను నిపుణులు పరిశీలించారు.పిల్లలు టీవీ ఎంత ఎక్కువగా చూస్తున్నారో, అంత ఎక్కువగా లావు అవుతున్నట్లు తేలింది. ఇంకా ఆశ్చర్యకరమైన విషయమేంటంటే, ఆ పిల్లలు వ్యాయామం చేస్తున్నకూడా బరువు ఏ మాత్రం తగ్గకుండా పెరుగుతున్నారు. టీవీతో పాటు మొబైల్, కంప్యూటర్, గేమ్స్ ఆడే పిల్లల పరిస్థితీ ఇలాగే ఉంటోంది. అందువల్ల తల్లిదండ్రులు ఈ విషయంలో జాగ్రత్తలు తీసుకోవాలంటున్నారు నిపుణులు. పిల్లలు టీవీ, కంప్యూటర్లను చూడటం ఎంత తగ్గిస్తే అంత మంచిదంటున్నారు.
రోజుకు 3 గంటల కంటే ఎక్కువ సేపు చూస్తే ప్రమాదం తప్పదంటున్నారు . వాటి బదులు… శారీరక శ్రమ కలిగించేవాటికి ప్రోత్సహించాలి అంటున్నారు . దానివలన శారీరకంగా ను మానసికం గా ను పిల్లలు బలం గా ఉంటారు. లేదంటేవారి బరువు వారికే ఎక్కువై, ఆపసోపాలు పడుతూ ఉంటే…వారు ఎందులోనూ చొరవ చూపలేరు అన్నది మాత్రం నిజం.
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?