తెలుగు సినిమాలకి సంక్రాంతి సీజన్ బాగా కలిసొస్తుందన నమ్మకం కొన్నేళ్ళుగా వస్తున్నదే. సీనియర్ స్టార్ హీరోల సినిమాల దగ్గర్నుంచి యువ హీరోల సినిమాల వరకు చాలా సినిమాలు సంక్రాంతి సీజన్ ని టార్గెట్ పెట్టుకొనే సిద్దమవుతుంటాయి. సంక్రాంతి సీజన్ కి బాక్సాఫీస్ దగ్గర ఉండే సందడే వేరు. ఏ థియోటర్ దగ్గర చూసిన తమ అభిమాన హీరో సినిమా చూసేందుకు పోటీపడి హంగామా చేస్తుంటారు.
అయితే ఈసారి సంక్రాంతి సీజన్ ఎలా ఉండబోతుందన్నది ఇంకా క్లారిటీ రావడం లేదు. కరోనా కారణంగా 7 నెలలు అయిపోయింది థియోటర్స్ మూత పడి. ఇంకా ఎప్పుడు తెరుస్తారో క్లారిటీ లేదు. దసరా పండుగకి థియోటర్స్ ఓపెన్ అవుతాయని భావించినా వర్షాల కారణంగా మళ్ళీ కథ మొదటికే వచ్చింది. ఇప్పుడు వస్తున్న వార్తల ని బట్టి చూస్తుంటే ఇక సంక్రాంతికే థియోటర్స్ ఓపెన్ అవుతాయని అంటున్నారు.
అలా అయితే ఎన్ని సినిమాలు రిలీజ్ చేస్తారన్నది ఇప్పుడు పెద్ద ప్రశ్న. కారణం అప్పుడే తెరిచిన థియోటర్స్ కి జనం వస్తారన్న నమ్మకం ఎవరికి కలగకపోవడమే. ఇప్పటికే రాం పోతినేని నటించిన రెడ్ సినిమా థియోటర్స్ ఓపెన్ అయ్యాకే రిలీజ్ చేయాలనుకుంటున్నారు. పవర్ పవన్ కళ్యాణ్ రీ ఎంట్రీ మూవీ వకీల్ సాబ్ కూడా పెద్ద పండక్కే అంటున్నారు. అలాగే క్రాక్, మోస్ట్ ఎలిజిబుల్ బ్యాచ్లర్, లవ్ స్టోరీ, రంగ్ దే, అరణ్య, శ్రీకారం, 30 రోజుల్లో ప్రేమించడం ఎలా?, ఏ1 ఎక్స్ ప్రెస్, చావు కబురు చల్లగా… ఇలా చాలా సినిమాలున్నాయి.
కాని పరిస్థితులని బట్టి చూస్తే ఈ సినిమాలన్ని రిలీజ్ అవుతాయా అన్నది సందేహంగా మారింది. మరి ఏదేమైనా థియోటర్స్ ఓపెన్ చేస్తే అక్కడే రిలీజ్ చేస్తారా.. లేక ఓటీటీలో రిలీజ్ చేస్తారా అన్నది ఇంకా మేకర్స్ నుంచి క్లారిటీ రావడం లేదు. అందరూ అనుకున్నట్టు సంక్రాంతికి సినిమాలు రిలీజవడం కష్టమన్న మాట కూడా వినిపిస్తుంది. చూడాలి ఏం జరుగుతుందో.