Almond Milk: బాదం మన ఆరోగ్యానికి మేలు చేస్తుందని అందరికీ తెలిసిన విషయమే.. బాదం బలవర్ధకమైన ఆహారం. ఇందులో కొవ్వులు, విటమిన్లు, మినరల్స్ సమృద్ధిగా ఉంటాయి. ఇంకా ఫైబర్, ప్రొటీన్‌, విటమిన్ ‘ఇ’, మాగ్నిషియం, మాంగనీస్, కాపర్, పాస్పరస్‌.. వంటి పోషకాలు పుష్కలంగా ఉంటాయి. బాదం పాలను తాగితే ఎటువంటి ఆరోగ్య ప్రయోజనాలు కలుగుతాయో ఇప్పుడు తెలుసుకుందాం..
బాదం పాల‌లో పోషకాలు అధికంగా, క్యాల‌రీలు త‌క్కువ‌గా ఉంటాయి. బ‌రువు త‌గ్గాల‌నుకునే వారికి ఈ పాలు బెస్ట్ ఆప్షన్. ఈ పాల‌లో కాల్షియం, మెగ్నిషియం, మాంగనీస్, విటమిన్ కె, ఇ, ప్రోటీన్లు, జింక్‌, కాపర్ త‌దిత‌ర పోషకాలు సమృద్ధిగా ఉంటాయి. ఇవి మన ఆరోగ్యానికి అవ‌స‌రం. అలాగే చ‌ర్మం, శిరోజాలు ఆరోగ్యంగా ఉంచుతాయి.
ఆవు పాలు, గేదె పాలు తాగ‌లేని వారికి బాదం పాలు ప్ర‌త్యామ్నాయం. బాదం పాలను తాగితే విటమిన్ డి అధికంగా ల‌భిస్తుంది. ఫలితంగా గుండె ఆరోగ్యంగా ఉంటుంది. ఎముక‌లు దృఢంగా తయారవతాయి. రోగ నిరోధ‌క శ‌క్తి పెరుగుతుంది. ప్రతి రోజూ ఒక క‌ప్పు బాదం పాలను తాగ‌డం వ‌ల్ల మ‌న‌కు రోజూ కావ‌ల్సిన కాల్షియంలో 45 శాతం వ‌ర‌కు ల‌భిస్తుంది. దీని వ‌ల్ల ఎముక‌లు దృఢంగా మారుతాయి. గుండె ఆరోగ్యం సుర‌క్షితంగా ఉంటుంది. నాడులు ఆరోగ్య‌వంత‌మ‌వుతాయి. అలాగే మధుమేహం సమస్యతో బాధ‌ప‌డేవారు బాదం పాలను తాగ‌వ‌చ్చు. ఇందులో ఫైబర్ అధికంగా ఉంటుంది. క‌నుక దీంతో ర‌క్తంలో చ‌క్కెర స్థాయిలు త్వ‌ర‌గా పెర‌గ‌వు. డ‌యాబెటిస్ నియంత్ర‌ణ‌లో ఉంటుంది. డ‌యాబెటిస్ ఉన్న‌వారికి బాదం పాలు మేలు చేస్తాయి.
