సుధీర్, రష్మీ.. ఈ జంటకు ఉన్న క్రేజే వేరు. బుల్లితెర మీద ఈ జంట తర్వాతనే ఇంకెవరైనా. ఎక్స్ ట్రా జబర్దస్త్ ఇంత విజయవంతంగా ఇప్పటికీ రన్ అవుతోందంటే దానికి కారణం.. సుధీర్, రష్మీ జంట వల్లనే. అప్పట్లో ఇద్దరూ కలిసి చేసే డ్యాన్సులు, రొమాన్సులు.. అబ్బో.. ఈ జంటకు ఉన్న ఫ్యాన్ ఫాలోయింగ్ మామూల్ది కాదు బాబోయ్.
ఇది వరకు చాలాసార్లు జబర్దస్త్ జడ్జి రోజా.. వీళ్ల మధ్య ఏముందని ప్రశ్నించింది. జబర్దస్త్ స్టేజ్ మీదనే ప్రశ్నించింది. బయటికి చూస్తే వీళ్లిద్దరూ ప్రేమికుల్లా కనిపిస్తారు. నిజానికి ఒకరంటే ఒకరికి పిచ్చి ప్రేమ. సుధీర్ కు రష్మీ అంటే ప్రాణం. రష్మీ లేకుండా ఉండలేడు. తన ప్రతి స్కిట్ లో రష్మీని కలవరిస్తుంటాడు. రష్మీ కూడా అంతే. సుధీర్ ను ఏదో ఒకటి అనకుండా ఉండలేదు. అంత అనుబంధం ఉంది వాళ్లిద్దరి మధ్య.
అందుకే.. ఇక లాభం లేదనుకొని ఎట్టకేలకు రోజా.. ఇద్దరినీ నిలబెట్టి మరీ స్టేజ్ మీదనే అడిగేసింది. మేం చాలా రోజుల నుంచి వెయిట్ చేస్తున్నాం. మీరు పప్పన్నం ఎప్పుడు పెడతారు. ఎప్పుడు పెళ్లి చేసుకుంటారు మీరు సుధీర్.. అంటూ కాస్త గట్టిగానే అడిగింది. దీంతో దానికి ఇంకా టైమ్ ఉంది మేడమ్ అంటూ రష్మీ వైపు దొంగ చూపు చూస్తూ చెప్పాడు సుధీర్. ఏంటి.. రష్మీ.. ఎప్పుడు పెళ్లి చేసుకుంటారు అంటూ రోజా అడిగేసరికి.. ఒకరి మొహాలు.. ఇంకొకరు చూసుకుంటున్నారు తప్పితే.. ఎవ్వరూ నోరు విప్పడం లేదు.
హమ్మనీ.. అంటే వీళ్లిద్దరి మధ్య ఏదో ఉందా? ప్రోమోలో ఎందుకలా చూపించారు. అసలు.. వీళ్ల సంగతేంటో తెలియాలంటే ఎక్స్ ట్రా జబర్దస్త్ వచ్చే ఎపిసోడ్ దాకా వెయిట్ చేయాల్సిందే కానీ.. ప్రస్తుతానికైతే తాజాగా విడుదలైన ప్రోమోను చూసేయండి.