F 3 : టాలీవుడ్ లో ఫ్యామిలీ ఎంటర్‌టైనర్ గా వచ్చి భారీ హిట్ సాధించిన సినిమా ఎఫ్ 2. ఫన్ అండ్ ఫ్రస్టేషన్ తో వెంకీ, వరుణ్ లు చేసిన కామెడీకీ అందరు పొట్ట చెక్కలయ్యేలా నవ్వుకున్నారు. అంతగా ఎంజాయ్ చేశారు కాబట్టే ఈ సినిమా 100 కోట్ల క్లబ్ లో చేరింది. విక్టరీ వెంకటేష్, మెగా ప్రిన్స్ వరుణ్ తేజ్.. హీరోయిన్స్ మిల్కీ బ్యూటీ తమన్నా, యంగ్ బ్యూటీ మెహ్రీన్..దర్శకుడు అనిల్ రావిపూడి, నిర్మాత దిల్ రాజుల కెరీర్‌లో ఎఫ్ 2 ఒక ప్రత్యేకమైన సినిమా. కాగా ఎఫ్ 2 భారీ హిట్ టాక్ రాగానే కాంబినేషన్‌లో ఎఫ్ 3 చేయాలని నిర్మాత దిల్ రాజు – దర్శకుడు అనిల్ రావిపూడి నిర్ణయించుకున్నారు.
వాస్తవంగా అయితే సూపర్ స్టార్ మహేష్ బాబు నటించిన సరిలేరు నీకెవ్వరు తర్వాత మొదలవ్వాల్సింది. కానీ కరోనా కారణంగా ఎఫ్ 3 సినిమా ఆలస్యంగా సెట్స్ మీదకి వచ్చింది. అయినా కూడా నాన్ స్టాప్ గా షూటింగ్ జరగడంతో మెజారిటీ భాగం టాకీ పార్ట్ కంప్లీట్ అయిందని తాజా సమాచారం. ఎఫ్ 2 టీమ్ మొత్తం ఎఫ్ 3కి పని చేస్తోంది. వెంకటేష్, వరుణ్ తేజ్, తమన్నా, మెహ్రీన్ ఎఫ్ 3కి రిపీటవుతుండగా ప్రస్తుతం పోస్ట్ ప్రొడక్షన్స్ వర్క్ కూడా జరుగుతోందట.
F 3 : ఎఫ్ 3 ప్రీ రిలీజ్ బిజినెస్ కూడా భారీగా జరిగిందని తెలుస్తోంది.
ఇక భారీ అంచనాల మధ్య ఆగస్టు 27న ఫన్ అండ్ ఫ్రస్టేషన్ నాలుగింతలుండేలా రూపొందిస్తున్న ఎఫ్ 3 సినిమాని భారీ స్థాయిలో ప్రేక్షకుల ముందుకు తీసుకు రానున్నారు. ఇక ఈ సినిమాకి రాక్ స్టార్ దేవీశ్రీ ప్రసాద్ సంగీతం అందిస్తున్నాడు. వరసగా సూపర్ హిట్స్ ఇస్తున్న దర్శకుడు అనిల్ రావిపూడి ఎఫ్ 3తో మరో బ్లాక్ బస్టర్ ఇవ్వబోతున్నాడని చిత్ర యూనిట్ చెప్పుకుంటున్నారు. కాగా ఇప్పటికే ఎఫ్ 3 ప్రీ రిలీజ్ బిజినెస్ కూడా భారీగా జరిగిందని తెలుస్తోంది.
