Facial : చాలామంది టైం కి భోజనం చేస్తారో లేదో కానీ.. బ్యూటీ పార్లర్ కు మాత్రం తరచు వెళ్తూ ఉంటారు.. అందులోనూ ముఖ్యంగా ఫేషియల్ కోసం.. ఫేషియల్ చేయించుకోవడం ద్వారా అందం రెట్టింపు అవుతుంది.. పార్లల్ కు వెళ్లి డబ్బు వృధా చేసుకోకుండా.. వంట గదిలో ఉండే ఐటమ్స్ తో చేసుకోవచ్చు.. మరి పార్లర్ కు వెళ్లకుండానే ఇంట్లోనే ఫేషియల్ ఎలా చేసుకోవాలో ఇప్పుడు తెలుసుకుందాం..
ముందుగా రోజ్ వాటర్ తో ముఖాన్ని శుభ్రం చేసుకోవాలి. ఆ తరువాత కింద తెలిపిన స్టెప్స్ వారీగా ఒక్కొక్క ఫేస్ ప్యాక్ ని అప్లై చేసుకోవాలి..
స్టెప్ 1 :
ఒక టేబుల్ స్పూన్ పాలు, ఒక టేబుల్ స్పూన్ నిమ్మరసం రెండింటిని కలిపి మిశ్రమంగా చేసుకోవాలి. మిశ్రమాన్ని ముఖానికి అప్లై చేసి పది నిమిషాల తర్వాత చల్లటి నీటితో కడిగేసుకోవాలి.
స్టెప్ 2 :
ఒక టేబుల్ స్పూన్ బియ్యం పిండి, ఒక టేబుల్ స్పూన్ తేనె కొంచెం రోజ్ వాటర్ కలిపి పేస్ట్ లా చేసుకోవాలి . ఈ ఫేస్ ప్యాక్ ను ముఖానికి అప్లై చేసి పది నిమిషాల తర్వాత చల్లని నీటితో కడిగేసుకోవాలి.
స్టెప్ 3 :
ఒక టేబుల్ స్పూన్ పెరుగు చిటికెడు పసుపు ఈ మిశ్రమాన్ని ముఖానికి అప్లై చేసి మర్ధనా చేసుకోవాలి. ఆరిన తరువాత చల్లని నీటితో ముఖాన్ని కడిగేయాలి.
స్టెప్ 4 :
ఒక టీస్పూన్ అరటిపండు గుజ్జు కి ఒక టీ స్పూన్ తేనె కలిపి పేస్ట్ లా చేసుకోవాలి. దీనిని ముఖానికి అప్లై చేసి పదిహేను నిమిషాల తర్వాత కడిగేసుకోవాలి.
*ఈ ఫేషియల్ ట్రై చేసే ముందు ఒకసారి ఫోటో తీసుకోండి. మరల ఈ ఫేషియల్ అయిన తరువాత ఫోటో తీసుకొని రెండిటి మధ్య తేడా మీకే స్పష్టంగా తెలుస్తోంది.. ఎటువంటి కెమికల్స్ లేకుండా ఇంట్లోనే ఇలాంటి నేచురల్ పద్ధతుల తో మీ ముఖ వర్చస్సును మరింత పెంచుకోండి.. మిల మిల మెరిసే మోము మీ సొంతం అవుతుంది.
