రెండేళ్ళ తర్వాత అన్నది కాస్త అటు ఇటుగా మూడేళ్ళకి పవర్ స్టార్ పవన్ కళ్యాణ్ రీ ఎంట్రీ ఇస్తూ ప్రేక్షకుల ముందుకు రాబోయో సినిమా వకీల్ సాబ్. ప్రముఖ నిర్మాత దిల్ రాజు శ్రీ వెంకటేశ్వర క్రియోషన్స్ బ్యానర్ లో నిర్మిస్తుండగా బాలీవుడ్ ప్రొడ్యూసర్ బోనీకపూర్ సహ నిర్మాతగా వ్యవహరిస్తున్నారు. బాలీవుడ్ లో సూపర్ హిట్ గా నిలిచిన పింక్ సినిమాకి అఫీషియల్ రీమేక్ గా వకీల్ సాబ్ రూపొందుతుంది. బిగ్ బి అమితాబ్ బచ్చన్ నటించిన ఈ సూపర్ హిట్ మూవీ కోలీవుడ్ లోను అజిత్ తో నిర్మించగా అక్కడ కూడా సూపర్ హిట్ గా నిలిచింది. హిందీ, తమిళంలో ఈ సినిమా 100 కోట్ల కి పైగానే వసూళ్ళు సాధించింది.
ఇక ఇదే సినిమాని దిల్ రాజు..బోనీకపూర్ తెలుగులో పవన్ కళ్యాణ్ తో నిర్మిస్తున్నారు. పవన్ కళ్యాణ్ తో ఒక సినిమా నిర్మించాలన్నది దిల్ రాజుకి కల. ఆ కల ని ఇప్పుడు నెరవేర్చుకుంటున్నాడు. ఎం.సి.ఏ ఫేం వేణు శ్రీరాం దర్శకత్వంలో తెరకెక్కుతున్న ఈ సినిమాకి థమన్ సంగీతమందిస్తున్నాడు. ఇప్పటికే ఈ సినిమానుండి రిలీజైన మగువా మగువా సాంగ్ బాగా ట్రెండ్ అవుతోంది. ఇక ఈ సినిమాలో నివేదా థామస్, అనన్య నాగళ్ళ, అంజలి ముఖ్య పాత్రలు పోషిస్తుండగా కేవలం పవన్ కళ్యాణ్ పాల్గొనాల్సిన కొన్ని కోర్ట్ సన్నివేశాలు మాత్రమే పెండింగ్ ఉన్నాయని తెలుస్తుంది.
అయితే సెప్టెంబర్ 2 న పవన్ కళ్యాణ్ పుట్టినరోజు సందర్భంగా ఫ్యాన్స్ కి సర్‌ప్రైజ్ ఇవ్వాలని మేకర్స్ భావిస్తున్నారట. అందులో భాగంగానే ఆ రోజు వకీల్ సాబ్ నుంచి టీజర్ రిలీజ్ కానుందని విశ్వసనీయ వర్గాల ద్వారా అందుతున్న సమాచారం. ఇప్పటికే ఈ టీజర్ కట్ చేయడం కూడా అయిపోయిందని తెలుస్తుంది. అంతేకాదు పవన్ కళ్యాణ్ – క్రిష్ కాంబినేషన్ లో తెరకెక్కుస్తున్న సినిమా నుంచి ఫ్యాన్స్ కి సర్‌ప్రైజ్ పాన్ చేస్తున్నారట. పవన్ కళ్యాణ్ ఫ్యాన్స్ ఇక పండగ చేసుకోవడానికి రెడీగా ఉండాల్సిందే.
