Fasting: భారతీయ సంప్రదాయంలో ఉపవాసాలు ఎంతో ప్రాముఖ్యాన్ని ఇవ్వడం జరిగింది. మన అన్ని పురాణాలు మరియు ఇతిహాసాలు ఆత్మజ్ఞానం కలగడానికి ఉపవాసాన్ని ఓ సాధనంగా సూచించాయి. పద్మపురాణం, విషపురాణం, భగవతం మొదలైనవి ఏకాదశి రోజున పాటించే ఉపవాసం ఎంతో శుభప్రదమని చెప్పాయి.
తిండి మానేసి కూర్చోవడమే ఉపవాసం అనుకోవడం అతి పెద్ద పొరపాటు. ఉపవాసంతో కూడిన భగవద్ధ్యానం సంపూర్ణ ఉపవాసంగా పరిగణించబడుతుంది. ఉపవాస దీక్షలో మానసిక శుద్ధత్వం ఓ నియమంగా చెప్పబడినది. అలా మానసిక పారిశుద్ద భక్తితో కూడిన ధ్యానం లేకుంటే ఉపవాసం అంటే తినడానికి తిండి లేక అలమటించడమే అవుతుంది.
ఏకాదశి రోజున… అనగా నెలలో రెండు రోజులు పూర్తి ఉపవాసాన్ని పాటించాలిసిందిగా చెప్పడం జరిగింది. అలాగే షష్ఠి రోజులలో నెలకు రెండుసార్లు రోజులో కొంతభాగం ఉపవాసం పాటించాలని మన శాస్త్రాలలో చెప్పబడింది. ఈ రోజులలో ఉపవాసాన్ని పాటించడం వలన భగవంతుడి కృపను నిస్సందేహంగా పొందవచ్చు.
ఆధునిక సైన్స్ ప్రకారం ఉపవాసం శరీరానికి మరియు మనసుకి ఎంతో ప్రయోజనం చేస్తుంది. ప్రార్ధనలు, ధ్యానం మరియు మంచి ఆలోచన మనసుని చైతన్యవంతం చేసి ఏకాగ్రతను మరియు ఆత్మస్థైర్యాన్ని పెంచుతాయి. శరీరాన్ని మాత్రమే పరిగణలోకి తీసుకున్నట్లు అయితే ఉపవాసం రక్తాన్ని మరియు జీర్ణవ్యవస్థని శుద్ధి చేస్తుంది. ఎప్పుడు కడుపు నిండుగా తింటూ ఉండడం వలన పొట్టలోని ప్రేగులు ఎప్పుడు నిండుగా ఉంటాయి. జీర్ణ వ్యవస్థ కు కాస్త విరామం కలిగించడం కోసం ఉపవాసాలు చేయడం ఎంతో మంచింది. ఇలా మన శరీరానికి శుద్ధి కూడా మనం చేసే ఉపవాసం కలిగిస్తుంది. అలా శరీరంలో అవసరానికి మించి ఉన్న కొవ్వు మరియు ఇతర విష పదార్థాలు ఉపవాసాల వలన తొలగిపోతాయి.
ఇలా అనేక ఉపవాస దీక్షలు శరీరానికి మరియు మనసుకి ఎంతో మేలు చేస్తాయి.
ఈ న్యూస్ ని మీ వాట్సాప్ మరియు ఫేస్ బుక్ లో ఉన్న ఫ్రండ్స్ అందరితో షేర్ చెయ్యండి. కిందనే ఉన్న షేర్ బటన్ ఉపయోగించి వెంటనే వారికి షేర్ చెయ్యండి.
