హెయిర్ ఫాల్ సమస్యతో చాలా మంది బాధపడిపోతుంటారు… దానిని నివారించేదెలా అంటూ ఎన్నో రకాల షాంపులతో, నూనెలతో ప్రయోగాలు చేసి విసిగిపోయిన వారెందరో ఉన్నారు. అన్ని ప్రయోగాలు చేసినా హెయిర్ ఫాల్ సమస్య తగ్గిందా అంటే అదీ ఉండదు. మీరు కూడా హెయిర్ ఫాల్, చుండ్రు సమస్యతో బాధపడుతున్నారా.. అయితే ఇప్పటి నుంచి ఈ సమస్యను దూరం చేసే ఈ చిట్కాలను పాటించి జుట్టు ఊడటాన్ని అరికట్టేయండి… హెయిర్ ఫాల్ అవ్వకుండా ఉండేందుకు, ఒత్తుగా, ఆరోగ్యంగా పెరగడానికి, గ్రే హెయిర్ వంటి సమస్యలకు చక్కటి ఔషదం మెంతులు.
చాలా రకాల హెర్బల్ హెయిర్ కేర్ ప్రొడక్ట్స్ లల్లో మెంతులు తప్పనిసరిగా ఉంటాయి. అంటే కొన్ని రకాల హెయిర్ ఆయిల్లోనూ, షాంపూల్లోనూ ఈ మెంతులు కలుస్తాయన్న మాట. ఈ మెంతులు జుట్టుకు ఎంతో మేలును చేస్తాయి. మరి ఈ మెంతులను జట్టుకు ఎలా వాడాలో చదివేయండి. మెంతి గింజలను రాత్రంతా నీటిలో నానబెట్టి ఉదయాన్నే పేస్ట్ లా చేసుకోవాలి. అంటే ఒక కప్పు మెంతులు తీసుకుంటే రెండు కప్పుల నీటిలో వాటిని నానబెట్టి పేస్ట్ లా చేసుకోవాలి. లేకుంటే మార్కెట్ లో మెంతుల పొడి లభిస్తుంది. ఒక టేబుల్ స్పూన్ మెంతి పొడి, ఒక టేబుల్ స్పూన్ అలొవేరా జెల్ ని తీసుకుని రెండింటినీ కలుపుకోవాలి.
ఆ పేస్ట్ మీ జుట్టు కుదుల్ల నుంచి చివరి భాగం వరకు భాగా అప్లై చేసుకుని కొన్ని నిమిషాల పాటు మసాజ్ చేసుకోవాలి. ఒక గంట తర్వాత మైల్డ్ షాంపూతో తలస్నానం చేసుకుంటే సరి. ఇలా వారానికి రెండు నుంచి మూడు సార్లు చేస్తే హెయిర్ ఫాల్ నుంచి ఉపశమనం పొందవచ్చు. అలాగే రెండు టీ స్పూన్ల పెరుగును రెండు టీ స్పూన్ల నిమ్మరసాన్ని, నాలుగు టీ స్పూన్ల మెంతి పొడిని తీసుకుని అన్నింటిని పెరుగులో వేసి భాగా కలిసేట్టు తయారు చేసుకోవాలి స్కాల్ప్ మీద అప్లై చేసి ఒక నలభై నిమిషాల తరువాత మైల్డ్ షాంపూతో హెయిర్ వాష్ చేసుకుంటే సరి. ఇలా వారానికి రెండు నుంచి మూడు సార్లు చేస్తే చండ్రు నుంచి ఉపశమనం పొందవచ్చును.
ఈ మెంతుల్లో బీటా కెరోటిన్ యాంటీ ఆక్సిడెంట్స్, విటమిన్ ఏ ఉండటం వల్ల మీ జట్టు ఆరోగ్యంగా ఉంటుంది. అలాగే జుట్టును మాయిశ్చరైజ్ చేసి సాఫ్ట్ గా, షైనీగా ఉంచడానికి మెంతులు ఎంతగానో ఉపయోగపడతాయి. దీనితో పాటుగా మెంతుల్లో ఫైటోస్టెరాల్స్, ఫైటోఈస్ట్రోజెన్స్ హెయిర్ ఫాల్ ని ప్రివెంట్ చేయడంలో మెంతులు మంచి ఔషదంగా ఉపయోగపడతాయి. ఆయిల్ హెయిర్ సమస్య ఉన్న వారికి ఇది ఆ సమస్యను లేకుండా చేయడంలో ఎంతో ఉపయోగపడుతుంది. అలాగే మెంతులను రెగ్యులర్ గా వాడితే చుండ్రు సమస్య నుంచి దాదాపుగా నివారించవచ్చును.