(హైదరాబాదు నుండి “న్యూస్ ఆర్బిట్” ప్రతినిధి)
హైదరాబాద్ లో ఘోర అగ్ని ప్రమాదం సంభవించింది. అబిడ్స్ లో గల చర్మాస్ షోరూమ్ లో అగ్ని ప్రమాదం జరిగింది. షోరూమ్ నాల్గవ అంతస్తులో మంటలు ఎగిసి పడటంతో వినియోగదారులు, సిబ్బంది భయాందోళనకు గురై పరుగులు తీశారు.
సమాచారం అందుకున్న అగ్ని మాపక సిబ్బంది మంటలను అదుపు చేశారు. ఈ ప్రమాదంలో ప్రాణనష్టం ఏమి జరగలేదని భావిస్తున్నారు. అయితే ఆస్తి నష్టం భారీగానే ఉంటుందని అనుకుంటున్నారు. విద్యుత్ షార్ట్ సర్క్యూట్ కారణంగా ఈ ప్రమాదం జరిగి ఉండవచ్చని ప్రాధమిక అంచనాకు వచ్చారు. ఘటనా స్థలానికి పోలీసు అధికారులు, సిబ్బంది చేరుకుని దర్యాప్తు చేస్తున్నారు.