తెలుగు ప్రేక్షకులను ఎంతగానో ఆకట్టుకున్న టెలివిషన్ షో బిగ్ బాస్. 2017 లో మొదలయిన బిగ్ బాస్ ఇప్పటికే నాలుగు సీసన్ లు పూర్తి చేసుకుంది. వరసగా నాలుగవ సారి కూడా బిగ్ బాస్ ట్రోఫీ అబ్బాయిలకే సొంతమయ్యింది. ఇటీవల ముగిసిన బిగ్ బాస్ సీసన్ 4 విజేత గా అభిజీత్ నిలిచాడు. అయితే, విన్నర్ కు దక్కినంత ప్రైజ్ మనీ దక్కడంతో విన్నర్ గా సోహెల్ నిలిచాడు. అంతేకాకుండా నాకు చిరు నుండి ప్రశంసలు ఒక అరుదయిన ట్రోఫీగా దక్కాయి అంటూ తెగ సంబరపడిపోతున్నాడు.
బిగ్ బాస్ సీసన్ 4 గ్రాండ్ ఫినాలే ఎపిసోడ్ లో, తాను సినిమా చేస్తానని అందుకు చిరు సపోర్ట్ కావాలంటూ అందరి ముందు చిరంజీవిని కోరిన సోహెల్ కు ఆయన అదిరిపోయే ఆఫర్ ను ఇచ్చారు. నువ్వు చెయ్యబోయే సినిమాలో ఒక చిన్న పాత్ర చెయ్యడానికి నేను రెడీ మరియు దానితో పాటు ఆ సినిమా ఫంక్షన్ కు వస్తానంటూ చిరంజీవి మాట ఇచ్చారు. బిగ్ బాస్ వల్ల సోహెల్ కు పెరిగిన క్రేజ్ కారణంగా అతనికి సినిమా ఆఫర్లు వరుసగా వస్తున్నాయి.
సోహెల్ తో సినిమా చేసే అందుకు ఇటీవలే ప్రేక్షకుల ముందుకు వచ్చిన ‘జార్జిరెడ్డి’ సినిమాను నిర్మించిన వారు సిద్దం అవుతున్నారట. తాజా సమాచారం ప్రకారం ఇప్పటికే సోహెల్ కథను కూడా విన్నాడు. ఈ సినిమా గురించి వచ్చే వారం లేదా రెండు వారాల్లో అధికారికంగా ఆ సినిమా నిర్మాతలు ప్రకటించనున్నారు. ప్రస్తుతానికి అయితే వచ్చే ఏడాదిలో సోహెల్ రెండు సినిమాలు విడుదల అయ్యే అవకాశాలు ఉన్నాయి. ఈ నేపధ్యంలో సోహెల్ కు కొన్ని వెబ్ సిరీస్ ల్లో నటించేందుకు ఆఫర్లు వస్తున్నాయట. చివరికి సోహెల్ ఎన్ని ప్రాజెక్టులు సైన్ చేస్తాడో చూడాలి మరి.