Omicron: ఏపిలో వెలుగు చూసిన తొలి ఒమైక్రాన్ కేసు..! ఎక్కడంటే..?

Share

Omicron: దక్షిణాఫ్రికాలో పురుడు పోసుకున్న కరోనా వైరస్ లోని కొత్త వేరియంట్ ఒమైక్రాన్ క్రమంగా అన్ని దేశాలకు విస్తరిస్తోంది. వారం రోజుల క్రితం కర్ణాటకలో రెండు ఒమైక్రాన్ కేసులు వెలుగు చూడటంతో భారత ప్రభుత్వం అప్రమత్తం అయ్యింది. అన్ని రాష్ట్రాలకు కోవిడ్ కొత్త మార్గదర్శకాలను జారీ చేసింది. విమానాశ్రయాల్లో కరోనా పరీక్షలు నిర్వహించిన తరువాతనే వాళ్లను గమ్యస్థానాలకు అనుమతిస్తూ వస్తున్నారు. కోవిడ్ పాజిటివ్ నిర్ధారణ అయిన వాళ్లను వెంటనే ఆసుపత్రులకు తరలించడంతో పాటు వారికి సోకింది ఓమైక్రాన్ వేరియంటా కాదా అనే దానిపై శాంపిల్స్ తీసి జీనోమ్ పరీక్షలకు పంపుతున్నారు. కర్ణాటక తరువాత ఢిల్లీ, ముంబాయి తదితర రాష్ట్రాల్లో వివిధ దేశాల నుండి వచ్చిన వారికి ఓమైక్రాన్ సోకినట్లు గుర్తించారు.

 

Omicron: విజయనగరం వ్యక్తికి ఓమైక్రాన్ నిర్ధారణ

తాజాగా ఏపిలోని విజయనగరం జిల్లాలో ఓమైక్రాన్ వేరియంట్ కేసు వెలుగు చూసింది. అయితే ఇక్కడ గమనించాల్సిన విషయం ఏమిటంటే గత నెల 27న ఇర్లాండ్ నుండి వచ్చిన ఓ వ్యక్తికి ముంబాయి విమానాశ్రయంలో పరీక్షలు చేయగా కోవిడ్ నెగిటివ్ రిపోర్టు వచ్చింది. దీంతో అధికారులు అతని గమ్యస్థానికి వెళ్లడానికి అనుమతించారు. ఆ ప్రయాణీకుడు ముంబాయి నుండి విశాఖపట్నం విమానాశ్రయానికి వచ్చి అక్కడి నుండి విజయనగరం చేరుకున్నాడు. విజయనగరంలో మరో మారు పరీక్ష చేయగా కోవిడ్ పాజిటివ్ నిర్ధారణ అయ్యింది. అతను ఇతర దేశం నుండి వచ్చిన ప్రయాణీకుడు కావడంతో వెంటనే అధికారులు అప్రమత్తమై అతని నుండి కలెక్ట్ చేసిన శాంపిల్ ను జినోమ్ టెస్టింగ్ కోసం పంపగా ఓమైక్రాన్ వేరియంట్ సోకినట్లు తేలింది. విజయనగరం చేరుకున్న ఓ వ్యక్తికి ఓమైక్రాన్ సోకిందని తెలియడంతో ప్రజలు ఆందోళన చెందుతున్నారు. ఏపిలో తొలి ఒమైక్రాన్ కేసు వెలుగు చూసినట్లు వైద్య ఆరోగ్య శాఖ అధికారులు దృవీకరించారు. అయితే ఎవరూ ఆందోళన చెందాల్సిన అవసరం లేదనీ, జాగ్రత్తలు పాటించాలని సూచిస్తున్నారు.


Share

Related posts

తెలంగాణ నడిబొడ్డులో కేటీఆర్ కి దొరికిన బండి సంజయ్..!!

sekhar

బిగ్ బాస్ 4 : అభిజిత్ తో చివాట్లు…. అఖిల్ దగ్గర ముద్దులు..! మోనాల్ కథ సూపర్

arun kanna

ఉప సభాపతిగా కోన రఘుపతి

somaraju sharma