sentiments: ఏదైనా పని ప్రారంభించే టప్పుడు మంచి సమయం లో మంచి ముహూర్తం లో పనులు ప్రారంభించడానికి ఎంతో అదృష్టం దానితో పాటు పూర్వపుణ్యం కూడా ఉండాలని అంటుంటారు. అవి ఉండాలంటే మంచి ప్రవర్తన కలిగిన వారై ఉండాలి. అలాంటివారికి అన్నీ వాటంతట అవే కలిసి వస్తున్నాయా అన్నట్టుగా పనులు జరిగిపోతుంటాయి.ఈ కాలం లో చాలామంది ఒకదాని తర్వాత ఒకటిగా పాపాలు చేస్తూ తమ జీవితాలు మాత్రం బాగుండాలనీ ఏదైనా పని మొదలు పెట్టే ముందు దివ్యమైన ముహూర్తాల కోసం తెగ తాపత్రయపడుతుంటారు. అయితే పాపాలు చేసే వ్యక్తులు మంచి ముహూర్తం కోసం ఎంత ఎదురుచూసిన ఫలితం మాత్రం దక్కదు. చేసుకున్నవారికి చేసుకున్నంత దక్కుతుంది అన్నట్లు.. ఎంతవరకు ప్రాప్తం ఉందొ అంతమాత్రమే దక్కుతుందట.
పాపాలు చేసేవాడు గొప్ప,గొప్ప పండితుల చేత గొప్ప ముహూర్తం పెట్టించుకున్నా కూడా , భగవంతుడి నిర్ణయం ప్రకారం ఆ పండితుల వెంట వారికి తెలియకుండా ఏదో ఒక దోషం ఉన్న ముహూర్తం ఖాయం అవుతుంది. ఒకవేళ మంచి ముహూర్తమే పండితుల చే వ్రాయబడిన కూడా, ఏదో ఒక కారణం తో ఆ శుభముహూర్తం తప్పిపోవచ్చు. అంటే ఆ సమయానికి టైం సరిగా చూసుకో లేకపోవడం,ఒక సమయం అనుకుంటే ఇంకో సమయం గుర్తు ఉండటం వంటివి జరుగుతూ ఉంటాయి.
అదే మంచి తనం తో ఉండే వారికి అనుకున్న కార్యాన్ని ముహూర్తం చూడటానికి కుదరకపోయినా కూడా… వారికి తెలియకుండానే మంచి శుభ ముహూర్తం ఉన్న సమయం వారు పనులు మొదలు పెట్టె విధంగా దైవం అవకాశాన్ని కల్పిస్తారు మంచి ప్రవర్తనను కలిగి ఉండి దైవం పైన భారం వేసి బ్రతుకు సాగించే వారికి ఆ దైవమే సరియైన దారిలో వెళ్లేలా చేస్తారు.తల్లిదండ్రులు తమకు పుట్టబోయే పిల్లలు మంచి ముహూర్తం లో జన్మించాలని, వారి భవిష్యత్తు చాలా బాగుండాలని ఎంతో ఆశపడతారు. తమ పిల్లల భవిష్యత్తు బాగుండాలని తల్లిదండ్రులు ఆశపడటం చాలాసహజం .
అయితే, మంచి భవిష్యత్తు కలిగిన పిల్లలు పుట్టాలంటే చక్కటి ముహూర్తాలు కుదరాలంటే పెద్దవాళ్ళు మంచి నైతిక విలువలతో కూడిన జీవితాన్ని గడుపుతూ ఉండాలి. కనీసం మంచి ప్రవర్తన కలిగి ఉండటానికి సాధ్యమయినంతవరకు ప్రయత్నించాలి.డెలివరీ కి మంచి ముహూర్తం పెట్టుకున్న కూడా అవి తప్పి పోయిన వారు ఎంతో మంది ఉన్నారు. ఎలా చూసినా , దైవానుగ్రహం పొందాలంటే మంచి పనులు చేయడం మానవుల ప్రథమ కర్తవ్యమని చాలా స్పష్టం గా చెప్పబడింది .