Dating: ఎన్నో పనులు ఇప్పుడు ఆన్లైన్ లో జరిగిపోతున్నాయి. అందుకేనేమో డేటింగ్ యాప్స్ మేము మాత్రం ఎందుకు తగ్గాలి అన్నట్టు పుట్టగొడుగుల్లా పుట్టుకొచ్చాయి.దానిలోనే తమ మనసుకు నచ్చిన వారిని ఎంచుకుంటున్నారు. కొన్ని టిప్స్ ఫాలో అయితే మీరు డేట్ చేసే వ్యక్తి మనస్సు చాలా తేలికగా గెలుచుకోవచ్చు.డేటింగ్ యాప్‌లో చాట్ చేసుకుంటున్నప్పుడు మీ ఇద్దరి మధ్య టాపిక్ హఠాత్తుగా ఆగిపోకుండా కొనసాగాలంటే, మీ మెస్సేజెస్ కి కాస్త హాస్యాన్ని కలవాల్సిందే.అలా చేయడం వలన ఎదుటి వారు మీరు పంపే ప్రతి మెసేజ్ చదవడంతో పాటు,మీకు రిప్లై ఇవ్వడం కూడా జరుగుతుంది.
మీరు పంపిన మెసేజ్ ద్వారా వారికి మీరు మంచి సంభాషణా చాతుర్యం తో పాటు హాస్య చతురత కలిగిన వారని తెలుసుకుంటారు. మీ ఇద్దరి మధ్య సంభాషణను కాస్త ఫ్లర్టీ గా మార్చడానికి ట్రై చేయండి.ఫస్ట్ కలిగిన ఇంప్రెషన్ బెస్ట్ ఇంప్రెషన్ బెస్ట్ ఇంప్రెషన్ అని అంటారు కదా.. కాబట్టి హేబేబీ , హలో షుగర్ లిప్స్ ‘, హాయ్ హ్యాండ్ సమ్ అని అంటూ చాటింగ్ మొదలు పెట్టకండి. మీరు మాట్లాడే విధానాన్ని బట్టి మీతో ఎదుటి వ్యక్తి డేటింగ్ చేస్తారా? లేదా? అనేది ఉంటుంది. కాబట్టి పదాలు జాగ్రత్తగా సెలెక్ట్ చేసుకోండి. స్నేహపూర్వకం గా మాటలు కలపండి. మొదటి మెసేజ్ గా వారి పేరునే పంపుతూ ..పేరు చివర ఆశ్చర్యార్థకం కూడా పెట్టండి.
డేటింగ్ యాప్ లో మీకు ఏ వ్యక్తి అయినా నచ్చితే, వెంటనే మెసేజ్ చేయకుండా కాస్త అతడి ప్రొఫైల్ చెక్ చేయండి. అప్పుడే వారి ఇష్టాలు, అయిష్టాల తో పాటు వారి గురించి కూడా తెలుస్తుంది. ఒకవేళ ఆ వ్యక్తి పెట్ పేరెంట్ అయితే మీ మాటలు అక్కడ నుంచి మొదలు పెట్టండి. పెంపుడు జంతువులతో వారికి ఎంత అనుబంధం ఉంది ..వారికి ఇష్టమైన పెంపుడు జంతువు గురించి ఇలాంటివి అడగండి. ఈ సంభాషణను చాలా సింపుల్‌గా ఉండేలా చూసుకోండి.
