phone: ఈ రోజుల్లో చాలా మంది స్మార్ట్ ఫోన్స్ వాడుతున్నారు…అయితే దాని బ్యాటరీ లైఫ్ ఎలా పెంచుకోవాలి అన్నది మాత్రం చాలా మందికి తెలియదు. ఇప్పుడు చెప్పబోయే టిప్స్ తో బ్యాటరీ లైఫ్ పెంచుకోండి. మొట్టమొదటి గా మీరు మీ స్మార్ట్ ఫోన్ ను వంద శాతం ఛార్జ్ చేయాల్సిన అవసరం అస్సలు లేదు. ఇలాంటి టిప్స్ మీరు ఫాలో అయితే మీ ఫోన్ బ్యాటరీ లైఫ్ స్పాన్ ను పెంచుకోవడం చాలా తేలిక. ప్రస్తుతం ఫోన్ల లో వాడుతున్న లిథియం-అయాన్ బ్యాటరీ యావరేజ్ గా 500 -1,000 ఛార్జ్ సైకిల్స్ సామర్థ్యంతో రూపొందించబడుతుంది. మీరు ఛార్జింగ్ పెట్టిన ప్రతిసారి 80 శాతం ఛార్జ్ చేస్తే సరిపోతుంది.
బ్యాటరీ లైఫ్ ను పెంచాలంటే మరీ ఛార్జింగ్ పూర్తిగా తగ్గిపోయే వరకు వాడకూడదు. 30 శాతానికి ఛార్జింగ్ లెవెల్ పడిపోగానే ఛార్జింగ్ పెట్టడం అవసరం అని గుర్తు పెట్టుకోండి .5 శాతానికి తక్కువ బ్యాటరీ ఛార్జింగ్ పడిపోకుండా చూసుకుంటూ ఛార్జ్ చేయండి. రాత్రి పడుకోబోయే ముందు ఫోన్ ఛార్జింగ్ పెట్టి వదిలేస్తే స్మార్ట్ ఫోన్ లోని పొటెన్షియల్ కాంపోనెంట్స్ డ్యామేజ్ అవుతాయి. బ్యాటరీ ఫుల్ అని డిస్ప్లే అయ్యాక కూడా ఛార్జ్ చేయడం అసలు మంచిది కాదు అని మీకు బాగా గుర్తుండి పోవాలి. ఇలా చేయడం వలన కూడా ఫోన్ బ్యాటరీ లైఫ్ కరెక్ట్ గా ఉంటుంది. ఫోన్ ఛార్జింగ్ అయ్యేటప్పుడు 45 డిగ్రీల సెంటిగ్రేడు దాటి హ్యాండ్ సెట్ వేడెక్కకుండా తీసుకోవడం మంచిది. ఇక ఛార్జింగ్ పెట్టి,కాల్స్ మాట్లాడేవారు ..
గేమ్స్ ఆడేవారు, పాటలు వినే వారు చాలా మందే ఉన్నారు. ఇలా చేయడం వలన మీ మొబైల్ బాగా వేడెక్కిపోతుంది. ఛార్జింగ్ అవుతున్న మొబైల్ కు డైరెక్ట్ గా ఎండ వేడిమి కూడా తగలకూడదు.ఇలా పదే పదే ఫోన్ వేడెక్కి, బ్యాటరీ లైఫ్ తగ్గిపోతుంది అని గుర్తుపెట్టుకోండి. ఎప్పుడూ మీ ఫోన్ తో పాటు వచ్చిన ఛార్జర్ తోనే ఛార్జ్ చేయడం మంచిది. ఫోన్ ను వేగంగా ఛార్జ్ చేయడానికి థర్డ్ పార్టీ యాప్ ను వాడవద్దు. ఈ యాప్ ఫోన్ బ్యాక్ గ్రౌండ్ లో నడుస్తాయి కాబట్టి బ్యాటరీ పై తీవ్ర ఒత్తిడి పెరిగేలా చేస్తాయి . ఫోన్ ఛార్జింగ్ పెట్టినప్పుడు ఫోన్ పై ఉన్న కవర్ తీసేయండి.వీటి వలన కొన్ని సార్లు పిన్ సరిగ్గా కనెక్ట్ అవ్వకపోవచ్చు.
