మనకి ఉన్న వారం రోజుల్లో ఏదైనా పని మీద బయటకు వెళ్లే ముందు మన పెద్దవాళ్ళు చెప్పిన ఈ పద్దతిని పాటిస్తే.. పనుల్లో విజయం కలుగుతుంది. దానికి తోడు ఏ రోజులు ఈపనులకు మంచిదో కూడా తేలుకుందాం.
ఆదివారం పనిమీద బయటకు వెళ్ళేటప్పుడు కిళ్ళీ లేదా తమలపాకు ను తినాలి. ఉద్జోగ పనులు, ఉద్యోగ ప్రయత్నములు, కోర్టుపనులు, విక్రయని కి సంబందించిన పనులుచేసుకోవచ్చు. విద్యారంభం చేయడానికి కూడా మంచిదే . సీమంతము జరుపుటకు శుభం.
సోమవారం పని మీద బయటకువెళ్ళేటప్పుడు అద్దం లో ఒకసారి ముఖాన్నిచూసుకుని వెళ్లడం వలన వెళ్ళే పని లో జయం కలుగుతుంది.అన్నప్రాశన చేయడానికి , కేశఖండన కి ,అక్షరాభ్యాసం కొరకు , యాత్రలు చేయడానికి , బావులు తవ్వుటకు, ప్రతిష్టాదులు, విత్తనములు చల్లుట, ఉద్యోగ, ఉపనయన, గృహారంభములకు ఈ వారం శుభం అనే చెప్పాలి.
మంగళవారం పనిమీద బయటకు వెళ్ళేటప్పుడు నోట్లో బెల్లం వేసుకుని వెళ్ళండి. శుభకార్యాలు చేయడానికి మంచిది కాదు. అగ్ని సంబంధ పనులు, పొలం దున్నుట, అప్పులు తీర్చుకోవడానికి సాహసకార్యములు చేయడానికి, ఆయుధ విద్యలకు మంచిది.
బుధవారం పనిమీద బయటకు వెళ్ళే టప్పుడు ధనియాలు నోట్లో వేసుకుని వెళ్ళండి. సమస్త శుభకార్యాలకు, ప్రయాణాలకు, నూతన వస్త్రదారణకు, గృహారంభ, గృహప్రవేశ, దేవతా ప్రతిష్టాదులకు, హలకర్మ, విత్తనములు జల్లుటకు , క్రయ విక్రయాది వ్యాపార పనులకు,అప్పుచేయుటకు, ఉద్యోగములో చేరుటకు ఈ వారం చాల మంచిది.
గురువారం పనిమీద బయటకు వెళ్ళే టప్పుడు జీలకర్ర నోట్లో వేసుకుని నములుతూ వెళ్ళండి. సమస్త శుభ కార్యములకు మంచిది. వివాహ యాత్రాధులకు, నూతన వస్త్ర, ఆభరణ ధారణకు, గృహారంభం, గృహప్రవేశ దేవతాప్రతిష్టాదులకు, చెరువులు, తవ్వుటకు, పదవీస్వీకారం చేయుటకు మంచి రోజు .
శుక్రవారం పనిమీద వెళ్ళేటప్పుడు పెరుగు లో పంచదార వేసి కలుపుకుని తిని లేదా తాగి వెళ్ళండి వివాహాది శుభకార్యాలకు, పంచదశ సంస్కారాలకు, క్రయవిక్రయలకు వ్యాపారాలకు, ఔషధసేవకు, స్త్రీలకు సంబంధించిన కార్యక్రమాలకు, లలిత కళలు అధ్యయనం చేయుటకు మంచి రోజు .
శనివారం పనిమీద బయటకు వెళ్ళేటప్పుడు అల్లం ముక్కను నోట్లో వేసుకుని నములుతూ వెళ్ళండి. ఇనుము, ఉక్కు సంబంధిత పనులకు, నూనె వ్యాపారమునకు, స్థిరాస్తులను అమ్ముటకు, ఉద్యోగ స్వీకరణకు మంచిది. గృహారంభం, గృహప్రవేశ వివాహాదులకు మాధ్యమం అని చెప్పబడింది.
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?