Bigg Boss 6: బిగ్ బాస్ సీజన్ సిక్స్ ఏడో వారం ఆట కొనసాగుతోంది. అయితే గత కొద్ది వారాల నుండి ఆడియన్స్ నుండి ఎటువంటి కామెంట్లు వస్తున్నాయో దాన్ని దృష్టిలో పెట్టుకుని.. ఇంటి సభ్యులకు బిగ్ బాస్ షాకులు మీద షాకులు ఇచ్చారు. ఏకంగా కార్డు ఏరియాలో అందరినీ నుంచోపెట్టి గేమ్ ఇష్టం లేకపోతే బిగ్ బాస్ హౌస్ లో వెళ్లిపోవచ్చని గేట్లు కూడా తెరిచారు. ఆ తర్వాత బిగ్ బాస్ హౌస్ లో ఫుడ్ కావాలంటే పోరాడి గెలవాలని రకరకాల టాస్కులు పెట్టారు. దీంతో ఎవరికి వారు ఇప్పుడు మంచి దూకుడు మీద ఆడుతున్నారు. పరిస్థితి ఇలా ఉంటే గురువారం ఎపిసోడ్ లో గీతూ బాత్రూం విషయంలో రేవంత్ తో గొడవకి దిగింది.
మేటర్ లోకి వెళ్తే అప్పట్లో మొదటి వారంలో ఫస్ట్ రోజే ఇనాయా తల వెంట్రుకలు బాత్రూంలో ఉన్నాయని ఆమెతో గొడవ పెట్టుకుని… రచ్చ రచ్చ చేసింది. ఇప్పుడు వెంట్రుకల గురించి కాకపోయినా బాత్రూంలో తడి ఉంది.. అని రేవంత్ పై రెచ్చిపోయింది. పూర్తి విషయంలోకి వెళ్తే గీతూ స్నానం చేయడానికి వాష్ రూమ్ కి వెళ్ళింది. అయితే వాష్ రూమ్ లో అప్పటికే ఒకరు స్నానం చేయడంతో లోపల కొంచెం బండలపై వాటర్ అదీ ఉండిపోయింది. అది చూసిన గీతూకి చిర్రెత్తుకొచ్చింది. అంతకుముందు రేవంత్ స్నానం చేయడంతో… వెంటనే క్లీన్ చేయమని గొడవకు దిగింది.
దీంతో రేవంత్ తనదైన శైలిలో నేనెందుకు చేస్తానని అస్సలు చేసే ప్రసక్తి లేదని తేల్చి చెప్పాడు. అయితే ఇద్దరి మధ్య వాదన పెరిగిపోతూ ఉండటంతో టిష్యూ పేపర్లు తీసుకురా అప్పుడు క్లీన్ చేస్తానని రేవంత్ అన్నాడు. దీనికి గీతూ నేనెందుకు తీసుకొస్తా అని వాదనకు దిగింది. ఈ క్రమంలో గొడవ పెరుగుతూ ఉండటంతో ఆదిరెడ్డి మధ్యలో దూరి నేను స్నానం చేస్తాను అని వెళ్లి.. చేసి తర్వాత క్లీన్ చేయడం జరిగింది. ఆదిరెడ్డి రాకపోయి ఉంటే..గీతూ రేవంత్ గొడవ చాలా పెద్దది అయిపోయేది.