Dangers : కొన్ని కొన్ని సార్లు ఏ పని చేసిన కలిసి రాదు, ఇంకొన్ని సార్లు అస్తమాను ప్రమాదాలు జరగడం లేదా.. గొడవలు పడడం మనః శాంతి లేక అలమటించడం జరుగుతుంటుంది . ఒక్కొక్కసారి ఊహించని విధం గా ఘోరాలు జరుగుతుంటాయి.. అసలు ముందు ముందు ఏమి జరగబోతోందో అనే భయం కూడా పట్టుకుంటుంది. అలా రాబోయే ఆపదల నుండి రక్షణ పొందాలన్న పాప కర్మల వలన ఎదురయ్యే ఆపదలు, చెడు ఫలితాలు తొలగిపోవడానికి కొన్ని విషయాలను తెలుసుకుందాం..
ఏదైనా ఎత్తైన ప్రదేశాల్లో ఆహారము ను పెట్టండి. ఆకాశం లో ఎగురుతూ వెళ్తున్న పక్షులు తమ ఆకలి తీర్చుకోవడం కోసం మీరు పెట్టిన ఆహారాన్ని తినడం వలన, మీరు పొందే అపారమైన పుణ్య బలం అనేక ఆపదల నుండి మీకు రక్షణ కల్పిస్తుంది.
మీరు రోడ్డు మీద వెళ్తున్నపుడు నడిచే దారిలో, వాహనాలు తిరిగే రోడ్లమీద పడి వుండే ముళ్ళు, మేకులు, రాళ్ళు లాంటి వి కనిపిస్తే వాటిని అక్కడ నుండి తీసి ఎవరూ తొక్కని చోట దూరం గా పడేయండి. వాటి వలన బాధించబడే వారిని కాపాడిన పుణ్యం కలిగి రాబోయే ఆపద నుండి మీకు రక్షణ కలుగుతుంది.
జనసంచారం అంతగా లేని ప్రదేశాలలో ఆహారం పెట్టండి. అలా పెట్టటం వలన అక్కడ నివసించే పశు పక్ష్యాదులు, క్రిమి కీటకాలు మీరు పెట్టిన ఆహారంతో తమ ఆకలి తీర్చు కుని ఎంతో సంతోష పడతాయి. దాని వలన వచ్చే పుణ్య బలంతో మీరు సిరి సంపదలు పొందుతారు.
మీ వీలును బట్టి,ఇంటిముందు పశువులకు, మేడమీద పక్షులకు తాగేందుకు నీరు ఏర్పాటు చేయండి. దాని వల్ల అనేక రోగాలు తగ్గిపోతాయి. తీవ్రమైన అనారోగ్య సమస్యల వలన బాధపడే దుస్థితి తప్పుతుంది. పోనీ మీకు పాప పుణ్యాల మీద నమ్మకం లేకపోయినప్పటికీ ప్రాణులకూ ఆహారం, నీరు అందించి సంతోషాన్ని పొందండి.
ఈ ఉపాయాలను మీకు వీలైనప్పుడల్లా అమలు చేస్తూ ఉండండి. మీకున్న పాప కర్మలుపోయి అనేక ఆపదల నుండి, దుస్థితి నుండి రక్షణ కలగడంతో పాటు, భగవంతుని అనుగ్రహం తో మంచి ఫలితాలు కలుగుతాయి.