జబర్దస్త్ కమెడియన్ లలో మంచి పాపులారిటీ సంపాదించిన వారిలో గెటప్ శ్రీను కూడా ఒకరు. బుల్లితెర కమలహాసన్ గా పేరు సంపాదించిన శ్రీను… జబర్దస్త్ లో సుడిగాలి సుదీర్ టీం లో వెరైటీ గెటప్పులు వేస్తూ టెలివిజన్ ప్రేక్షకులను ఎంటర్ టైన్ చేస్తూ కెరియర్ కొనసాగిస్తున్నాడు. ఇదిలా ఉండగా జబర్దస్త్ లో కమెడియన్లు గా చేసినవారు కొంతమంది హీరోలుగా అవకాశాలు అందుకున్న సంగతి తెలిసిందే. వారిలో ముందుగా షకలక శంకర్ హీరోగా అవకాశం అందుకుని ఇప్పటికే అరడజను కి పైగా సినిమాలు చేయడం జరిగింది.
ఇదే క్రమంలో సుడిగాలి సుదీర్ కూడా “సాఫ్ట్ వేర్ సుధీర్” అనే టైటిల్ తో హీరో గా ఎంట్రీ ఇచ్చి ఆ తర్వాత కొన్ని సినిమాలు చేయడం జరిగింది. అంతేకాకుండా ధనరాజ్, అదిరే అభి వంటి జబర్దస్త్ కమెడియన్ లు కూడా హీరోల గా ప్రయోగాలు చేశారు. ఇదిలా ఉండగా తాజాగా గెటప్ శ్రీను కి ఇండస్ట్రీలో హీరో అవకాశం దొరికినట్లు, చాలా డిఫరెంట్ సబ్జెక్ట్ కలిగిన స్టోరీ లో హీరోగా నటించడానికి రెడీ అయ్యాడు.
పూర్తి విషయంలోకి వెళ్తే సాయి వరుణ్ క్రియేషన్ బ్యానర్ పై ప్రశాంత్ రెడ్డి నిర్మిస్తున్న ‘రాజు యాదవ్’ అనే టైటిల్ కలిగిన సినిమాలో గెటప్ శ్రీను హీరోగా కనిపించనున్నాడట. అంతే కాకుండా ఈ సినిమాలో హీరోయిన్ పాత్ర లో అంకిత కరత్ నటిస్తోందట. తాజాగా ఈ సినిమాకి సంబంధించిన పూజా కార్యక్రమాలు హైదరాబాదు నగరంలో ప్రారంభమయ్యాయి. సినిమాల్లో హీరో పాత్ర చాలా బలమైనది కావటంతో పాటు సమాజాన్ని అదేవిధంగా కుటుంబ విలువలను బ్యాలెన్స్ చేసే పాత్ర కావడంతో గెటప్ శ్రీను ని హీరో గా తీసుకున్నట్లు ఇండస్ట్రీలో టాక్.