ఇంతకీ ఫిబ్రవరి 11 న జీహెచ్ఎంసీకి కొత్తగా ఎన్నికైన కార్పొరేటర్లకు ప్రమాణ స్వీకారం జరుగుతుందా అన్న అనుమానం ప్రస్తుతం అందరిలో నెలకొంది. ఫిబ్రవరి 11 న ప్రమాణ స్వీకారం గురించి చాలా మంది తీవ్రమైన అనుమానాలను వ్యక్తం చేస్తున్నారు. ఇక GHMC కార్యాలయంలో నిర్వహించిన ప్రమాణ స్వీకార కార్యక్రమానికి చాలా మంది కార్పొరేటర్లు హాజరుకాకపోవచ్చు అని సమాచారం.
ఇంతకీ విషయం ఏమిటంటే… ఆ రోజు అమావాస్య. అమావాస్య అత్యంత దుర్దినంగా పరిగణించబడుతుంది. ఆ రోజున కొత్త పనులు ఏవీ ప్రారంభించరు. అంతే కాకుండా ఆ రోజు శుభ కార్యక్రమాలు చేపట్టరు. చాలా మంది కార్పొరేటర్లు ఇలా అమావాస్య రోజున ప్రమాణం చేస్తే కార్పొరేటర్లుగా తమ పాత్రలను నిర్వర్తించడంలో తీవ్రమైన ఇబ్బందులు ఎదుర్కొంటున్నామని భావిస్తున్నారు.
కార్పొరేటర్లలో ఎక్కువమంది ఆ రోజున ప్రమాణ స్వీకారాన్ని దాటవేయవచ్చు అని అనుమానాలు వ్యక్తం అవుతున్నాయి. ముఖ్యంగా బిజెపి కార్యకర్తల నుండి ఈ ఫంక్షన్ కు వ్యతిరేకత రావచ్చని అనుకుంటున్నారు. ఇక ఈ రోజున ప్రమాణ స్వీకారం చేయకుండా మరొక అనుకూలమైన రోజుని హైర్హాజరైన కార్పొరేటర్లు ఎంచుకోవచ్చు. అంతేకాకుండా మేయర్, డిప్యూటీ మేయర్ అదే రోజున ఎన్నిక అవుతారా లేదా అనే విషయంపై కూడా చర్చ జరుగుతోంది.
అయితే ప్రతిపక్ష పార్టీకి చెందిన కార్పొరేటర్లు మాత్రం ఆ రోజు కచ్చితంగా ప్రమాణ స్వీకారానికి హాజరు కాకూడదని ఫిక్స్ అయినట్లు తెలుస్తోంది. ఇక బిజెపి వారు అధికార టీఆర్ఎస్ పార్టీ ఎంతో తెలివిగా అమావాస్య రోజున ప్రమాణ స్వీకారం చేయించాలని డిసైడ్ చేశారని ఆరోపిస్తున్నారు. ఆరోజు అమావాస్య కనుక సెంటిమెంటు ఉన్న బిజెపి కార్పొరేటర్లు ప్రమాణ స్వీకారానికి హాజరు కాకపోతే తమకు నచ్చిన మేయర్, డిప్యూటీ మేయర్ లను టిఆర్ఎస్ పార్టీ వారు ఎంచుకుంటారని అంటున్నారు. అయితే బిజెపి అనూహ్యంగా తమ కార్పొరేటర్లు అందరినీ అదే రోజు ప్రమాణ స్వీకారం చేయమని చెప్పినా ఆశ్చర్యపోనక్కర్లేదు.