Appetite : పంచభక్ష పరమాన్నాలు ఎదురుగా ఉన్న కొంతమందికి ఆకలి వేయదు.. రుచికరమైన వంటకాలు నోరూరిస్తున్న ఆకలి ఉండదు.. చిన్నపిల్లలు, పెద్దలు ఆకలి పెరగడానికి రకరకాల మందులు వాడుతూ ఉంటారు.. అవి వాడినప్పుడు తక్షణ ఉపశమనం దొరికినా శాశ్వత పరిష్కారం మాత్రం వుండదు.. మన వంటింట్లో లభించే వీటితో ఈ చిట్కా తయారు చేసుకుని వాడితే ఆకలి పెరుగుతుంది..!!
రెండు చెంచాలు ధనియాలు, చిన్న అల్లం ముక్క, ఒక స్పూన్ తేనె అవసరం. ముందుగా అల్లం ముక్కలను శుభ్రంగా కడిగి చిన్న చిన్న ముక్కలుగా కట్ చేసి పెట్టుకోవాలి. ఇందులో ధనియాలు వేసి మిక్సీ పట్టి రసం తీసుకోవాలి. ఈ రసంను పొయ్యి మీద పెట్టి వేడి చేయాలి. ఆ తరువాత దించి అందులో కొద్దిగా తేనె కలపాలి. ఇలా తయారుచేసుకున్న రసం ను తాగాలి. ఇది తాగే ముందు ఉదయం మూత్ర విసర్జన చేసి ఉండాలి.
read More: Appetite: ఆకలిగా లేదా..!? ఆత్మా రాముడితో కేకలు పెట్టించండిలా..!!
లేదంటే ఉదయం పరగడుపున ఒక లీటర్ గోరువెచ్చటి నీటిని తాగితే ఉదయం మల విసర్జన సాఫీగా అవుతుంది. ఆ తరువాత ముందుగా చేసిన అల్లం ధనియాల రసం తాగితే ఆకలి కేకలు పెడుతుంది. ఇలా రోజు చేస్తే ఆకలి వేయకపోవడం తగ్గి బాగా ఆకలి వేస్తుంది. వికారం, వాంతులు, గ్యాస్, కడుపు ఉబ్బరం వంటి సమస్యలు తగ్గుతాయి. ఈ రసం జీర్ణ వ్యవస్థను మెరుగు పరుస్తుంది.