God Father: మోహన్ రాజా, మెగాస్టార్ చిరంజీవి కాంబోలో వచ్చిన సినిమా ‘గాడ్ ఫాదర్’. ఈ సినిమా సినిమా విడుదలైన ప్రతిచోటా మంచి టాక్ తెచ్చుకుంది. చిరు, రామ్ చరణ్ కలిసి నటించిన ‘ఆచార్య’ సినిమా ప్లాప్ అవడంతో తీవ్ర నిరాశ చెందిన మెగా ఫ్యామిలీ ఇప్పుడు గాడ్ ఫాదర్ సినిమా హిట్ కావడంతో సంతోష పడుతున్నారు. ఇక మెగా ఫ్యాన్స్ గురించి చెప్పనవసరం లేదు. మంచి హిట్ టాక్ రావడంతో వీరు థియేటర్ల వద్దే కాకుండా సోషల్ మీడియాలోనూ రచ్చ రచ్చ చేస్తున్నారు.
God Father: అసలు ఏమైంది
అంతవరకు బానే ఉంది కానీ కొంతమంది మెగా ఫ్యాన్స్ మాత్రం ఓ విషయమై గొడవలకు దిగుతున్నారు. అసలు గొడవలకు కారణం ఏంటంటే!? దసరా పండుగ సందర్భంగా చిరు సినిమాతో పాటుగా ఇంకో రెండు సినిమాలు విడుదల కావడంతో చాలా చోట్ల థియేటర్ల కొరత ఏర్పడింది. దీనివల్ల ఫ్యాన్స్ కోరుకున్న థియేటర్లలో గాడ్ ఫాదర్ సినిమా రాలేదు. కేవలం కొన్ని థియేటర్లలోనే ఈ సినిమా విడుదల అయింది. డిస్ట్రిబ్యూషన్స్లో టాప్ బ్యానర్ అయిన నాగార్జున సినిమాతో పాటు సితార ఎంటర్టైన్మెంట్స్ సినిమా విడుదలవటంతో థియేటర్లన్నింటినీ బ్యాలెన్స్ చేసుకుంటూ ఈ మూడు సినిమాలను విడుదల చేశారు.
ఎందుకీ గొడవ
అయితే ఈ మూడు సినిమాల కంటే ముందే పొన్నియన్ సెల్వన్ 1 సినిమా థియేటర్లలోకి వచ్చింది. దానికి బదులుగా గాడ్ ఫాదర్ సినిమా కోసం ఆ థియేటర్లను కేటాయించమని మెగా అభిమానులు రిక్వెస్ట్ చేసారు. కానీ ఆ సినిమాని థియేటర్ల నుంచి తీసేయడానికి ఒక ప్రముఖ టాలీవుడ్ నిర్మాత ఒప్పుకోలేదు. ఆచార్య సినిమా రిలీజైన టైమ్లో కూడా ఆ నిర్మాత తన చిత్రంతో చిరుకి పోటీగా రావాలని చూసాడు. దానికి కారణాలు చాలానే ఉన్నాయి. కానీ చివరి నిమిషంలో అతను ఆ సినిమా వాయిదా వేసుకున్నాడు. అప్పుడు ఛాన్స్ మిస్ అయింది కాబట్టి ఇప్పుడు వచ్చిన ఛాన్స్ మిస్ చేసుకోకూడదని బాగా పట్టుదలతో ఉన్నాడు. అందుకే మెగా ఫ్యాన్స్ ఎంత రిక్వెస్ట్ చేసినా ఆ అభ్యర్థనలను పెడచెవిన పెడుతున్నారు. దాంతో మెగా ఫ్యాన్స్ కోపంతో గొడవకు దిగుతున్నారని టాలీవుడ్ ఇండస్ట్రీలో టాక్ నడుస్తుంది.