Gold Smuggling; తప్పు చేయాలంటే ఎన్ని దుర్మార్గులకు చాలానే దుర్”మార్గాలు” ఉంటాయి.. వెరైటీ దొంగతనాలు, వెరైటీ హత్యలు.., వెరైటీ రాబరీలు చూస్తూనే ఉంటాం. కానీ వీటన్నిటికంటే బంగారం స్మగ్లింగ్ మాత్రం నివ్వెర పోయే మార్గాల్లో.. కొత్త కొత్తగా చేస్తుంటారు. “ఇలా కూడా బంగారాన్ని మోయవచ్చా..?” అనుకుని ఆశ్చర్యపోయే రీతిలో బంగారం స్మగ్లింగ్ ఉంటుంది. తాజాగా నిన్నటికి నిన్న ఢిల్లీ ఎయిర్ పోర్టులో ఉబ్జెకిస్తాన్ వాసులు ఇలాగే దొరికిపోయారు. పంటికి బంగారం జట్టు పెట్టుకున్నట్టు… నోటిలో పక్కన దంతాల దగ్గర బంగారం దాచుకుని వచ్చారు. కానీ ఢిల్లీ ఇందిరాగాంధీ అంతర్జాతీయ విమానాశ్రయంలో కస్టమ్స్, ఎయిర్ ఇంటెలిజెన్స్ యూనిట్ (AIU) అధికారులకు దొరికిపోయారు. ఈ స్మగ్లింగ్ లో కూడా చాలా వెరైటీ, కస్టమ్స్ అధికారుల నిఘా ఫలించింది..!
Gold Smuggling; మాట్లాడలేక.. మూలుగుతూ చిక్కారు..!
విదేశాల నుండి మన దేశానికి నగదు, బంగారం ఎలా పడితే అలా తేవడానికి కుదరదు. దేశీయ చట్టాలు అంగీకరించవు. అన్ని రకాలా అనుమతులు ఉంటేనే ఒక క్రమ పద్ధతి ప్రకారం తీసుకురావాలి. కానీ లెక్కల్లో లేని, అక్రమ బంగారాన్ని దుబాయ్ సహా అరబిక్ దేశాల నుండి ఎక్కువగా తీసుకొస్తూ ఖర్మకాలి దొరికిపోయిన సందర్భాలు చాలానే ఉంటాయి. నిన్న ఉబ్జెకిస్తాన్ వాసులు కూడా నోటిలో కిలో బంగారం పెట్టుకున్నారు. చెకింగ్ విభాగం దగ్గర ఏమి మాట్లాడకుండా సైలెంట్ గా ఉన్నారు. వీరి వాటం చూస్తే తనిఖీ అధికారులకు అనుమానం వచ్చింది. వెంటనే పక్కకు తీసుకెళ్లి నోటిలో చెక్ చేస్తే బంగారం కనిపించింది. వెంటనే అరెస్టు చేసి.., బంగారాన్ని స్వాధీనం చేసుకున్నారు. గతంలో కూడా చెప్పుల్లోనూ.., చర్మంలోనూ.., పొట్ట భాగంలోనూ.., జుట్టు మధ్యలో బంగారం అక్రమంగా తీసుకొచ్చి దొరికిపోయిన సందర్భాలున్నాయి..!