Golden Brunei King : సాధారణంగా ఒక దేశాన్ని పాలించే రాజుల పిల్లలు బంగారానికి ,వజ్ర, వైఢూర్యాలకు ఏ మాత్రం కొదువ ఉండదనే సంఘటనలను మనం సినిమాలలోనే చూస్తుంటాం. కానీ ఇప్పటికీ నిజజీవితంలో అలాంటి వారు ఉన్నారా? అంటే ఆశ్చర్యం వేస్తుంది. ఈ రాజుని చూస్తే మాత్రం అతను రాజా? లేక అపర కుబేరుడా? అనే సందేహం ప్రతి ఒక్కరికి కలుగుతుంది. దేశాన్ని పరిపాలిస్తున్నది ఎవరైనా అక్కడ అంతా ఆయన చెప్పు చేతల్లోనే జరగాలి. ఇతని ఆజ్ఞ లేనిదే చీమైనా కదలదు అతనే అతనే ”ద గ్రేట్ సుల్తాన్.. బ్రూనై రాజు హస్సనల్ బొల్కియా”..!!
బంగారం అంటే ఎంతో ఇష్టం ఉన్నా ఈ రాజు ఇంటిలో ప్రతి అంగుళం బంగారు మయమే.తన ఇంటిని బంగారు తాపడంతో 2 మిలియన్ చదరపు అడుగుల విస్తీర్ణంలో అత్యంత లగ్జరీ ప్యాలెస్ ను నిర్మించాడు. ఒక ఇల్లు మాత్రమే కాకుండా బంగారంతో పూత పూసిన విమానం కూడా కలదు. ఈ రాజు గారి ప్యాలెస్ లో ఏకంగా ఏడు వేల లగ్జరీ కార్లు ఇలా చెప్పుకుంటూ పోతే ఎన్నో విలాసవంతమైన సౌకర్యాలు ఇతని ప్యాలెస్ లో ఉన్నాయి.
బ్రూనై రాజు హస్సనల్ బొల్కియా సంపాదన మామూలుగా ఉండదు. ఊహించటానికే సాధ్యం కాదు. ప్రస్తుతం ఈయన అధికారంలో లేకపోయినా అన్ని విషయాలు ఈయన చెప్పు చేతుల్లోనే జరుగుతాయి. బంగారం అంటే ఎంతో ఇష్టమైన ఈ రాజు తనకు ఎంతో ఇష్టంగా నిర్మించుకున్న రాజమందిరానికి బంగారు పూత పూయించాడు. ఈ ప్యాలెస్ గోపురాలకు 22 క్యారెట్ల బంగారంతో పూత పూయించాడు.ఈ ప్యాలెస్ లో 1700 కి పైగా గదులు, 257 బాత్రూంలు, ఐదు స్విమ్మింగ్ పూల్స్, 110 గ్యారేజీలు, గుర్రాలకు ప్రత్యేకంగా 200 ఎయిర్ కండిషన్డ్ గదులున్నాయి. ఇవే కాకుండా తన ప్యాలెస్ లో ఉపయోగించే డైనింగ్ టేబుల్, ఫ్లవర్ వాజ్, మంచాలు, బాత్ టబ్ కూడా బంగారంతో తయారుచేసినదే ఈ రాజు వైభోగం చూస్తే మనకు కళ్ళు తిరగాల్సిందే.
రాజు హస్సనల్ బొల్కియాకు ఏడు వేల కార్లున్నాయి. అవన్నీ లగ్జరీ కార్లే. ఆ కార్లలో కొన్నింటికి బంగారంతో కోటింగ్ వేయించాడు. అదేవిధంగా విమానానికి కూడా బంగారు పూత పూయించారు. ఆ విమానంలో అనేక సౌకర్యాలు అందులో ఉన్నాయి.ప్రపంచంలోని అత్యంత ధనవంతులైన సుల్తాన్లనో ఒకరిగా రికార్డు క్రియేట్ చేశారు. 1980 వరకు ఆయన ప్రపంచంలో అత్యంత ధనవంతుడు హోదాను అనుభవించారు. ఇలా చెప్పుకుంటూ పోతే ఇతని గురించి మరెన్నో ఆశ్చర్యపరిచే విషయాలను తెలుసుకోవచ్చు.