Smartphone: ఈ ఆధునిక యుగంలో మనకి ఏది కావాలన్నా ప్రపంచం లోని ఏది తెలుసుకోవాలనుకున్నా దానిని మన అరచేతిలో ఉండే స్మార్ట్ఫోన్ల Smartphone వలన చాలా తేలికగా తెలుసుకుంటున్నాం. చూడటానికి, వాడటానికి ఇవి ఎంత బావుంటాయి పొరపాటున ఏదైనా అయినా అంతే నిరాశ చెందాలి. కొన్ని సార్లు ఎన్ని జాగ్రత్తలు తీసుకున్నా, ఫోన్ నీళ్లల్లో పడిపోతూ ఉంటుంది. అయితే అలంటి సమయంలో ఓ చిన్న చిట్కా పాటిస్తే మీ ఫోన్ మళ్ళి పూర్వస్థితికి వచ్చేస్తుందట. ఈ హ్యాక్ గురించి విడుదల చేసిన ఓ వీడియో ప్రస్తుతం సోషల్ మీడియాలో హల్చల్ చేస్తోంది.
మీ సెల్ఫోన్ ఎప్పుడైనా నీళ్ళల్లో పడిపోతే వెంటనే ఫోన్ను నీళ్ళల్లో నుంచి బయటకు తీసేయండి. అలా ఫోన్ ను బయటకు తీసాక ఫోన్ స్విచ్ ఆన్ చేయకుండా ముందుగా దాని భాగాలన్నీ విడతీయండి. ఆ తరువాత మీ హెయిర్ డ్రైయర్ ను ఉపయోగించి ఫోన్ విడి భాగాలన్నింటినీ ఆరబెట్టండి. ఆ తర్వాత ఫోన్ నుంచి విడతీసిన బాగాలన్నిటిని మళ్ళి యధావిధిగా అమర్చండి. ఇలా చేసిన తరువాత ఓ కవర్ లో ఉడికిన అన్నం తీసుకుని ఇందులో ఆ ఫోన్ పెట్టి గాలి వెళ్లకుండా దానిని క్లోజ్ చెయ్యండి.
ఇక ఈ ప్యాకెట్ ను మూడు రోజుల వరకు అలానే వదిలేయాలట. ఇలా మూడు రోజులు గడిచాక తిరిగి మీ ఫోన్ ను ఆన్ చేస్తే మాములుగా పనిచేస్తుందట. కానీ ఈ హ్యాక్ అన్ని సందర్భాల లోను వర్కౌట్ అవుతుందని కచ్చితంగా చెప్పలేము కానీ చాలా వరకు అవుతుందనే అంటున్నారు టెక్నిషియన్లు.