పండుగలకో లేదా అతిధులు వస్తున్నారనో ఇంటిని శుభ్రం చేయడం కాకుండా ఒక ప్రణాళిక ప్రకారం ప్రతి రోజు ఇంటిని శుభ్రపరచుకోవడం ఎంతో మంచిది. దీని వల్ల ఎన్నో రోగాలను అరికట్టవచ్చు. ఎదో శుభ్రం చేసేసాం అన్నట్టు కాకుండా కొన్ని చిట్కాలు పాటిస్తే కొన్ని అదనపు లాభాలుంటాయి. ఇందుకోసం పెద్దగా కష్టపడాల్సిన అవసరం కూడా లేదు.
ఇంట్లో ఉండే కొన్ని పదార్థాలను వాడి శుభ్రం చేయడం వల్ల ఇల్లంతా స్వచ్ఛం గా, శుభ్రంగా ఉంటుంది. ఫ్లోరింగ్ శుభ్రం చేయడానికి రసాయనాల ను వాడకుండా నీటిలో కొంచెం అమ్మోనియా కలిపి శుభ్రం చేసి చూడండి మీ ఫ్లోరింగ్ బాగా మెరిసిపోతుంది.
నీటిలో కొద్దిగా సోడా వేసి ఇంటిని శుభ్రం చేస్తే ఇంట్లో పేరుకుపోయిన జిడ్డు, మరకలుపోయి మెరుస్తుంటుంది. అలాగే ఇల్లు శుభ్రం చేసే నీటిలో ఉప్పు కలిపితే దోమలు, ఈగలు, సూక్ష్మక్రిములు పారిపోతాయి. అదే విధంగా నీటిలో కొంచెం పసుపు కలిపినా అందులో యాంటీబయాటిక్ లక్షణాలు ఇంటిని శుభ్రం గా ఉండేలా చేస్తాయి. ఇంట్లో ఏదైనా ఒక మూల కర్పూరం వెలిగిస్తే సువాసన రావడంతో పాటు చిన్న చిన్న క్రీములు కూడా నశించి పోతాయి.
ఎక్కడైనా మరకలు వదలకపోతే నిమ్మరసం, నిమ్మతొక్కలతో రుద్దితే మరలకలు ఇట్టే మాయమవుతాయి.
వాడేసిన నిమ్మచెక్కలు నీటిలో మరిగించి ఆ నీటితో ఇల్లు శుభ్రం చేస్తే చాలా శుభ్రంగా ఉండడం తో పాటు మంచి వాసన వస్తుంది.
ఇంట్లో చెత్త వాసన వస్తుంటే నీటిలో కాస్తా లావెండర్ ఆయిల్, నిమ్మ, నారింజ తొక్కల్ని వేసి మరిగిస్తే మరుగుతున్నప్పుడు వచ్చే ఆ వాసన ఇల్లంతా వ్యాపించి తాజాగా అనిపిస్తుంది.
బాత్రూం లేదా వంటగది సింక్ లో వాడే పంపుల పైన ఏర్పడే నీటి మర కల్ని టూత్పేస్టుతో రుద్ది తొలగించవచ్చు. ఇల్లు శుభ్రం గా ఉండడం వలన ఆరోగ్యం తో పాటు మనస్సు ప్రశాంతం గా ఉంటుంది .
ఇంటి లో వస్తువులు శుభ్రం గా ఉండి క్రమ పద్దతిలో సర్దుకోవడం వలన ఇంటిలో ఉండే అందరి మనస్సులు ప్రశాంతం గా ఆహ్లదం గా ఉండి స్వర్గం లో ఉన్నట్టు అనిపిస్తుంది. కావాలంటే ప్రయత్నించి చూడండి.
Disclaimer : పైన సూచించిన ఆరోగ్య సూత్రాలు, లేదా హెల్త్ కి సంబంధించిన ఇన్ఫోర్మేషన్ ఇంటర్నెట్ నుంచి తీసుకున్నది మాత్రమే. అవన్నీ పాటించే ముందర తప్పనిసరిగా స్పెషలిస్ట్ డాక్టర్ సలహా తీసుకోండి.