పార్టీలో కానీ ఫంక్షన్ లో కానీ లేదంటే మాములు దుస్తులపై మొండి మరకలు, మచ్చలు చిరాకు తెప్పిస్తాయి.అందుకోసమే మీకు ఇక్కడ కొన్ని చిట్కాలు ఇవ్వబడినవి.మీరు స్టెయిన్ రిమూవల్ ఉపయోగించడానికి ముందు దానిని కొంత భాగం పై పరీక్షించి చూడండి. ఉదాహరణకు ఒక పసుపు రంగు క్లోత్ తీసుకుని దానిపైన ఒక పక్కన కాఫీ వంపి మరకలు చేసి…పైకి కనిపించని అడుగుభాగంలో స్టెయిన్ రిమూవర్ను ఉపయోగించండి.
ఆ తర్వాత పరిశీలించి చూడండి…క్లోత్ రంగు చెక్కు చెదరకుండా ఉంటే మీరు స్టెయిన్ రిమూవర్ను నిస్సంకోచంగా ఉపయోగించవచ్చు. స్టెయిన్ రిమూవల్ రంగుని పోగొట్టదని, అది బ్లీచింగ్ కాదని నిర్ధారించుకోవడానికి ఇలాంటి ప్రయోగాలు బాగా పనికి వస్తాయి.. ఎక్కడైనా మరకలు పడ్డప్పుడు పడిన భాగాన్ని ఒక గిన్నె లో ఉంచి, దానిలో వేడి నీరు పోసి ఆ భాగాన్ని సున్నితంగా రుద్ది ఆపై నీటి ని పిండి బట్టను చదునుగా పరచి డిష్ వాష్ లిక్విడ్ ని , తెల్లని వెనిగర్ని , నీటిని సమానం గా తీసుకుని కలిపి టూత్ బ్రష్ను ఈ ద్రావణంలో ముంచి మరకలపై నెమ్మదిగా రుద్దాలి.
తరువాత వెంటనే ఆ దుస్తులను వాషింగ్ మెషిన్ లో లేదా మాములుగా ఉతికి అయినా శుభ్రం చేసుకోవాలి. ఎండిన బురద మరకలని సున్నితంగా రుద్దిన తరువాత మరక పడిన భాగాన్ని వేడి నీటితో కడిగి డిటర్జెంట్ వేసి రుద్ది కడగాలి.ఇప్పుడు తెల్లని వెనిగర్, నీటిని సమపాళ్లలో కలిపి మరకలపై రుద్దాలి.చివరగా బట్టలను శుభ్రంగా ఉతకండి, దాంతో మీ బట్టలపై పడిన మరకలు మాయమవుతాయి.
ఏదైనా దెబ్బ తగిలినప్పుడు దుస్తులకు రక్తపు మరకలు అంటూతూ ఉంటాయి. అలాంటప్పుడు ముందు గా మరకల్ని వేడినీరు పోసి రుద్ది వదింలించిన తర్వాత…స్నానం కోసం వాడే సబ్బును ఆ మరకల మీద రుద్ది ఇప్పుడు రెండు చేతులతో మరక ఉన్న భాగాన్ని రుద్దాలి…ఇలా చేయడం వలన మరకలు అస్సలు కనిపించవు..