Shampoo : తల స్నానం కి వాడే నీరు ఎప్పుడూ చల్లగా ఉండాలి. మనం తల స్నానానికి వేడి నీటి ని వాడితే తలలో ఉండే సహజ నూనె మరియు తేమ వేడి నీటిలో కొట్టుకుపోయి… జుట్టు పొడిగా మరియు జీవం లేనిది గా మారుతుంది. అదేవిధం గా చల్లటి నీరు జుట్టును సహజమైన మాయిశ్చరైజర్‌గా చేస్తోంది. దానితో పాటు హెయిర్ ఫాలికల్ కూడా మూసివేయబడి జుట్టు రాలడాన్ని కూడా తగ్గిస్తుంది.
సాధారణం జట్టును అందంగా సిల్కీగా పొడవుగా ఉండాలని కోరుకుంటారు దీనికోసం వివిధ రకాల షాంపూలు, కండిషనర్లు వాడుతూ ఉంటారు. అయితే తలకు షాంపూ చేసేటప్పుడు కొన్ని కొన్ని చిట్కాలు పాటిస్తే జుట్టు ఎంతో ఆరోగ్యంగా మెరుస్తూ ఉంటుంది. కొంచెం నీళ్లు తీసుకుని నీళ్లలో షాంపూను కలిపి తలస్నానం చేయడం మనకు తెలిసిన విషయమే.అయితే షాంపూలో ఒక్క నీళ్లు మాత్రమే కాకుండా రోజ్‌వాటర్‌, ఎసెన్షియల్‌ ఆయిల్‌, నిమ్మరసం, తేనె, కలబంద గుజ్జు కూడా కలుపుకోవచ్చు. అలా వాటిని వాడడం వలన ఎన్నో ఉపయోగాలు ఉన్నాయి.రోజ్‌వాటర్‌లో షాంపూను కలిపి తలస్నానం చేస్తే మాడు దురదసమస్య తీరుతుంది. దానితో పాటు జుట్టు మెత్తగా, పట్టుకుచ్చులా మెరుస్తుంటుంది. షాంపూలో కాస్త ఎసెన్షియల్‌ ఆయిల్‌ను కలపాలి. ఇలా చేయడం వల్ల జుట్టు ఊడటం తగ్గి జుట్టు పెరుగుతుంది.
ఒక్కొక్కసారి జుట్టు జీవం కోల్పోయి నిర్జీవంగా కనిపిస్తుంది అలాంటప్పుడు షాంపూలో నిమ్మరసం కలిపి వాడితే వెంట్రుకలు నిగ నిగ లాడుతూ పట్టుకుచ్చులా మెరుస్తాయి. షాంపూలో కాస్త తేనె కలపడం వలన జుట్టు పొడిబారిపోకుండా తేమగా ఉంటుంది. తేనె మాడును ఆరోగ్యవంతంగా ఉండేలా చేస్తుంది .
షాంపూలో కొంచెం కలబంద రసాన్ని కలుపుకుంటే వెంట్రుకలు శుభ్రపడి తళతళలాడుతూ కనిపిస్తాయి. జుట్టు పొడి బారదు కూడా. తల దురద కూడా ఉండదు. చుండ్రు తగ్గి వెంట్రుకలు పెరుగుదల కు సహకరిస్తుంది .
