Pulichinta Leaves: ప్రకృతిలో ఎన్నో మొక్కలు వాటిలో ఎన్నో ఔషధ గుణాలు ఉన్నాయి.. అవి మన ఆరోగ్యానికి ఎంతో మేలు చేస్తాయి.. అటువంటి కోవకు చెందినది పులి చింత మొక్క.. వర్షాకాలంలో ఈ మొక్క విరివిగా పెరుగుతుంది.. ఈ ఆకులను పప్పు పులుసు కూర వండుకుని తింటారు.. పులి చింత ఆకు మన ఆరోగ్యానికి చేసే మేలు గురించి తెలిస్తే ప్రతి ఒక్కరూ ఆశ్చర్యపోతారు..
Pulichinta Leaves: చక్కటి మౌత్ ఫ్రెషనర్ గా పనిచేసే పులిచింత ఆకులు..!!
పులిచింత ఆకులు ముద్దగా నూరి రసం తీసుకోవాలి. ఆ రసానికి కొంచెం సైంధవ లవణం కలిపి పులిపుర్లు ఉన్నచోట రాస్తే పులిపిర్లు రాలిపోతాయి. ఈ రసాన్ని తేలుకుట్టిన చోట రాస్తే వెంటనే విషం పాకకుండా ఉంటుంది. ఈ రసాన్ని పుండ్లు, గాయాలు ఉన్నచోట రాస్తే త్వరగా మానిపోతాయి. ఈ మొక్క వేళ్లను నీళ్లలో వేసి కాచి కషాయం లా తయారు చేసుకోవాలి. ఈ కషాయాన్ని నోట్లో వేసి పది నిమిషాల పాటు పుక్కిలిస్తే కదిలే దంతాలు కూడా గట్టిపడతాయి. చక్కటి మౌత్ ఫ్రెష్ నర్ గా పనిచేస్తుంది. ఈ ఆకులను నమిలి రసం మింగినా కూడా నోటి దుర్వాసన తగ్గుతుంది. ఈ ఆకులను అను ఎండబెట్టి పొడిచేసుకుని పొడిగా ఉపయోగించుకుంటే దంత సమస్యల నుంచి బయటపడేస్తుంది. ఈ ఆకులను కూరగా, పచ్చడిగా వండుకుని తింటే ఆస్తమా నుంచి ఉపశమనం కలుగుతుంది. ఈ ఆకుల రసంలో పటిక బెల్లం కలిపి తీసుకుంటే ఒంట్లో వేడి తగ్గిపోతుంది.
పులిచింత వలన కలిగే ఆరోగ్య ప్రయోజనాలు ఇవే..!!
ఈ తీగ జాతి మొక్క ఆకులు నమిలి తింటే పుల్లగా ఉంటాయి అందుకే వీటికి పులి చింత అని పేరు వచ్చింది.. ఈ పులి చింత ఆకులను తినటం వలన ముక్కు, గొంతు, మలం ద్వారా పడే రక్తాన్ని నివారిస్తుంది. ఉపయోగించుకొని తన ఆరోగ్యాన్ని అభివృద్ధి చేసుకోవచ్చు గొంతు సంబంధిత రోగాలను అరికట్టవచ్చు. ఈ ఆకులను ముద్దగా నూరి రసం తీసుకోవాలి. ఈ రసాన్ని ఫైల్స్ ఉన్నచోట రాసుకుంటే అవి త్వరగా రాలిపోతాయి. అంతే కాకుండా ఈ ఆకులను పప్పుగా వండుకొని తింటున్న కూడా చక్కటి ఫలితం కలుగుతుంది. వాతం తగ్గించడానికి ఈ ఆకులు సహాయపడతాయి. ఈ ఆకులను, సొంటి, నెయ్యి, తేనె సమాన మోతాదు లో కలిపి తీసుకుంటే వాతం తగ్గుతుంది.
జిగట విరోచనాలు తగ్గించాడానికి ఈ ఆకులు సహాయపడుతాయి. మజ్జిగలో కలిపి ఈ ఆకులను ముద్దగా నూరుకోవాలి. ఒక బట్ట లో వేసి రసాన్ని తీసుకోవాలి. ఈ రసాన్ని తీసుకోవటం వలన జిగట విరోచనాలు, రక్త విరోచనాలు తగ్గుతాయి. ఈ ఆకులు ఎక్కువగా పొలాల గట్లు చెట్ల దగ్గర విరివిగా పెరుగుతుంది. ఈ ఆకులను కూరగా వండుకుని తింటే బోలెడు ప్రయోజనాలు కలుగుతాయి. కచ్చితంగా మీకు ఈ తీగ ఆకులు కనిపిస్తే ఖచ్చితంగా కూర వండుకొని తినండి.