Flax seeds: అవిసె గింజలు గురించి మనలో చాలా తక్కువ మందికి తెలిసి ఉంటుంది. ఎందుకంటే అవిసె గింజలు తినడానికి అంత సౌకర్యంగా, రుచికరంగా అనిపించవు కావున చాలా మంది వీటిని తినడానికి పెద్దగా ఇంట్రెస్ట్ చూపరు. అయితే ఆరోగ్యంగా ఉండాలి అనుకునే వారు వీటిని తప్పక తినాలిసిందే.అవిసె గింజలు తినడం వలన ఆరోగ్యానికి ఎంతో మేలు జరుగుతుంది. వీటిని ఫ్లాక్స్ సీడ్స్ అని పిలుస్తారు.సూపర్ ఫుడ్ గా పిలిచే ఈ అవిసె గింజలను తినడం వలన ఏలాంటి ఆరోగ్య ప్రయోజనాలు కలుగుతాయో తెలుసుకుందాం..
బరువు తగ్గడంలో :
అవిసె గింజలలో సాల్యుబుల్ ముసిలాగినోస్ అనే ఒకరమైన గమ్ లాంటి పదార్థం ఉంటుంది. ఇది ఒక రకం ఫైబర్ అన్నమాట.గుండెకు చేడు చేసే ఎల్డీఎల్ కొలెస్ట్రాల్ ను అదుపులో ఉంచి, రక్తంలో షుగర్ స్థాయులను నియంత్రణలో ఉంచుతుంది.
స్నాక్స్ కు బదులు ఫ్లాక్స్ సీడ్స్ కొన్ని తిని చూడండి. తేడా ఏంటో మీకే తెలుస్తుంది. దీనిలో పుష్కలమైన ఫైబర్ ఉండడం వల్ల వెంటనే ఆకలి అనిపించదు కావున బరువు నియంత్రణలో ఉంటుంది.
గుండె ఆరోగ్యం:
అవిసె గింజల్లో ఒమెగా 3 ఫ్యాటీ యాసిడ్స్ ఉంటాయి. ఇవి రక్తంలో ట్రై గ్లిజరైడ్స్ ను తగ్గిస్తాయి. దీంతో స్ట్రోక్, హార్ట్ ఎటాక్ రిస్క్ తగ్గుతుంది. చెడు కొలెస్ట్రాల్ ను తగ్గించి, మంచి కొలెస్ట్రాల్ ను పెంచడంలో అవిసె గింజలు ఎంతగానో ఉపయోగపడతాయి. అంతేకాకుండా వీటిల్లో ఉండే ఒమెగా 3 ఫ్యాటీ యాసిడ్స్ వలన కంటి చూపు ఆరోగ్యకరంగా ఉంటుంది.
అవిసె గింజలను ఎలా తినాలంటే?
అవిసె గింజలను 15 నిమిషాలు నానబెడితే మొలకలు వస్తాయి.ఈ మొలకలు ఉదయాన్నే తింటే ఆరోగ్యానికి ఇంకా మంచిది.అలాగే ఈ గింజలను ఎండబెట్టి పొడిచేసి ఈ పొడిని మనం తీసుకునే కూరలలో గాని మనం తీసుకునే పళ్లరసాలు లేదా లస్సి వంటి డ్రింక్స్ మీద పైన చల్లుకుని త్రాగవచ్చు.ఉదయాన్నే తీసుకునే ఆహారంతో పాటు అవిసె గింజలను తీసుకుంటే మంచి ఫలితం లభిస్తుంది.అవిసె గింజలు తీసుకున్నప్పుడు ఎక్కువ మంచి నీళ్లు తాగాలి.