Healthy drinks: ఒకప్పుడు ఇంటికి వచ్చిన వారికీ మట్టి కుండ లోంచి చల్లటి నీళ్లు లేదా మజ్జిగ, నిమ్మరసమో కలిపి ఇచ్చి సేదతీరేలా చేసేవారు . కాని ప్రస్తుతం ఇంటి కి వచ్చిన వారికీ కూల్డ్రింక్స్ స్వగతం చెబుతున్నాయి. పెద్దలు, పిల్లలు కూడా వీటిని ఎంతో ఇష్టంగా తాగేస్తున్నారు. కానీ ఈ కూల్డ్రింక్స్ ఎక్కువగా తాగడం వల్ల ఎన్నో అనారోగ్య సమస్యలు కలుగుతున్నాయి .
ఎంతో రుచిగా అనిపించే ఈ డ్రింక్స్ ఎక్కువగా తాగితే ప్రాణాలకు ముప్పు ఏర్పడుతుంది అంటున్నారు నిపుణులు. కూల్ డ్రింక్స్‌లో స్వీట్ సోడా ఎక్కువగా ఉంటుంది. రుచి కోసమే ఎక్కువ మంది డ్రింక్స్ తాగుతుంటారు. వీటి వల్ల ఆరోగ్యానికి ఎలాంటి ఉపయోగం ఉండదు పై గా ఆరోగ్యానికి హాని కూడా .మనం తాగే కూల్ డ్రింక్స్‌లో ఎక్కువ మోతాదులో చక్కెర ను వాడతారు . ఇది ఆరోగ్యం పై తీవ్ర ప్రభావం చూపుతుంది.ఓ అధ్యయనం ప్రకారం తెలిసింది ఏమిటంటే.. కూల్ డ్రింక్స్ తాగిన వారిలో ఒబెసిటీ సమస్యలు పెరుగుతాయి అని బయటపడింది .
కూల్ డ్రింక్స్ ఎప్పుడో ఒకసారి తాగితే పెద్దగా ఇబ్బంది ఉండదు. తరచూ తాగితే మాత్రం గుండె సంబంధ వ్యాధులు వస్తాయి.ఇవి తాగడం వలన ఎసిడిటీ తో పాటు జీర్ణ సంబంధ సమస్యలు కూడా వచ్చే ప్రమాదముంది. గ్యాస్ట్రిక్ సమస్య కూడా వస్తుంది. కూల్ డ్రింక్స్ ఎక్కువగా తాగే వారిని ఎంపిక చేసుకుని వారి పై సర్వే నిర్వహించగా,వారిలో ఎక్కువ మంది అనారోగ్య సమస్యల తో బాధ పడుతున్నట్టు అధ్యయనంలో తేలింది. కాబట్టి కూల్ డ్రింక్స్‌కు ఎంత దూరంగా ఉంటే అంత మంచింది.కూల్డ్రింక్స్లో ఉండే చక్కెర, యాసిడ్స్, పళ్ళకు హానికలిగిస్తాయి. వీటివల్ల దంతాల పై ఉండే ఎనామిల్ పొర కరిగిపోతుంది. పళ్ళు పాడవడం మొదలవుతుంది. దంతాల మీద బ్యాక్టీరియా చేరి దంతాలు పుచ్చిపోవడం, చిగుళ్ళ వాపు వంటివి కూడా జరుగుతాయి. దంతాలు సెన్సిటివ్గా మారి చల్లని, వేడి పదార్థాలు కూడా తీసుకోలేని పరిస్థితికి వచ్చేస్తారు.
