Heart: ఋతువులు మారినప్పుడల్లా వాతావరణంలో మార్పులు చోటు చేసుకుంటాయి.. వాతావరణం మారితే అనేక ఆరోగ్య సమస్యలు తలెత్తుతాయి.. ప్రస్తుతం శీతాకాలం వచ్చేసింది. ఈ కాలంలో ఎటువంటి అనారోగ్య సమస్యలు వచ్చే అవకాశాలు ఉన్నాయో ఇప్పుడు తెలుసుకుందాం.. అందుకు తగిన జాగ్రత్తలు ఏమిటో చూద్దాం..!!
Heart: ఈ కాలంలో గుండె జబ్బులు ఎందుకోస్తాయంటే..!?
శీతాకాలంలో వాతావరణ ఉష్ణోగ్రతలు తగ్గుతాయి. దీంతో మన శరీర ఉష్ణోగ్రత కూడా తగ్గుతుంది. అందువలన శరీరం కూడా చల్లగా మారిపోతుంది. శరీరం చల్లగా ఉంటే గుండె జబ్బులు ఎక్కువగా వచ్చే అవకాశాలు ఉన్నాయని ఆరోగ్య నిపుణులు చెబుతున్నారు. అంతేకాకుండా జలుబు, దగ్గు వంటి సీజనల్ వ్యాధులు వస్తాయి. వీటితో ఊపిరి తీసుకోవడం కష్టమవుతుంది. ఈ కాలంలో చలి తీవ్రత అధికంగా ఉంటుంది. దీని వలన అధిక రక్తపోటు లో హెచ్చుతగ్గులు వస్తాయి. రక్తపోటులో మార్పులు జరిగితే గుండె జబ్బులు వచ్చే అవకాశాలు ఎక్కువ. అందువలన శీతాకాలంలో గుండె జబ్బులు బారిన పడకుండా అనేక జాగ్రత్తలు తీసుకోవాలి.
ఈ కాలంలో శరీరం వెచ్చగా ఉండే దుస్తులు ధరించాలి. వేడి వేడిగా ఉండే ఆహారాన్ని మాత్రమే తీసుకోవాలి. చల్లట పదార్థాలు, కూల్ డ్రింక్స్, తీపి పదార్థాలు వంటి వాటికి సాధ్యమైనంత దూరంగా ఉండాలి. కాఫీ టీ వంటివి తాగుతూ ఉండాలి. వేడి వేడిగా ఉండే కూరగాయలు సూప్స్ తీసుకోవాలి. శరీరానికి వేడి చేసే ఆహార పదార్థాలు కూడా తరచూ తీసుకుంటూ ఉంటాయి . అవి శరీర ఉష్ణోగ్రతను పెంచడానికి దోహదపడతాయి. ఈ కాలంలో సాధ్యమైనంత వరకు వేడి వేడిగా ఉండే ఆహార పదార్థాలను తీసుకుంటే గుండె సంబంధిత సమస్యలు రాకుండా ఉంటాయి.