హీరో రామ్ పేరు వింటేనే ఎనర్జీ వస్తుంది. ఆయన ఎనర్జీకి కేరాఫ్ అడ్రస్. రామ్ తన సినిమాల్లో ఎంతో ఎనర్జీతో నటిస్తాడు. మరి.. ఆయన రియల్ లైఫ్ లో ఎలా ఉంటాడు.. అనేది చాలామందికి తెలియదు. ఎందుకంటే.. రామ్ పెద్దగా బయట కనిపించడు. ఆయన బయట చేసే హడావుడి చాలా తక్కువ. కానీ.. ఈ సంక్రంతికి మాత్రం జీ తెలుగు చానెల్ లో సందడి చేయబోతున్నాడు రామ్.
అవును.. జీ తెలుగు సంక్రాంతి సంబరాల్లో రామ్ గెస్ట్ గా హాజరయ్యాడు. జీతెలుగు సీరియళ్ల నటులతో కలిసి రామ్ తెగ సందడి చేశాడు. శ్రీముఖి హోస్ట్ చేసిన ఈ ఈవెంట్ లో పాల్గొన్న రామ్ తన గురించి, తన సినిమాల గురించి, పర్సనల్ లైఫ్ గురించి ప్రేక్షకులతో పంచుకున్నాడు.
రామ్.. ప్రస్తుతం రెడ్ అనే సినిమాలో నటిస్తున్నాడు. ఆ సినిమా విశేషాలు కూడా ప్రేక్షకులతో రామ్ పంచుకున్నాడు. రామ్ స్టేజ్ మీదికి రాగానే.. జీతెలుగు సీరియళ్లలో నటించే ఓ నటి స్టేజ్ మీదికి వచ్చి.. రామ్ అంటే చాలా ఇష్టమని.. రామ్ కోసం పదో తరగతిలో ఓ అమ్మాయిని కూడా కొట్టానంటూ రామ్ కు ప్రపోజ్ చేసింది. రామ్ ను చూసి జీ తెలుగు సీరియల్స్ హీరోయిన్లు అంతా పడిపోయారు. మనోడి గ్లామర్ మామూలుగా ఉండదు కదా.
మొత్తానికి ఈ సంక్రాంతికి జీ తెలుగులో హంగామా మామూలుగా ఉండదు. దానికి సంబంధించిన ప్రోమో కూడా తాజాగా విడుదలైంది. ఇంకెందుకు ఆలస్యం.. వెంటనే ప్రోమోను చూసేయండి.