కోలీవుడ్ స్టార్ హీరో సూర్య ఈ మధ్యనే ‘ఆకాశం నీ హద్దురా’ సినిమాతో భారీ హిట్ అందుకున్నాడు. ఇక తమిళనాడులో భారీ ఫాలోయింగ్ ఉన్న హీరో సూర్య శివకుమార్ తన చిత్రాల్లో వైవిధ్యమైన పాత్రలు చేస్తూ దేశవ్యాప్తంగా ఎంతో మంచి నటుడు అని పేరు తెచ్చుకున్నాడు. పవర్ ఫుల్ క్యారెక్టర్లను అవలీలగా పోషించిన సూర్య నిజ జీవితంలో తన అభిమానులకు ఎంతటి విలువ ఇస్తాడో అందరికి తెలిసిందే.
ఎన్నో సందర్భాల్లో తన అభిమానుల పై తనకున్న ప్రేమను సూర్య చాటుకున్నాడు. అంతే కాకుండా సేవా కార్యక్రమాల్లో కూడా అతను ముందే ఉంటాడు. అతని ఆదాయంలో సింహభాగం అనాథ చిన్నారుల కోసం ఉపయోగిస్తుంటారు. తాజాగా సూర్య తన అభిమానులలో ఒకతని పెళ్ళికి వెళ్లి అందరినీ ఆశ్చర్యపరిచాడు.
వివరాల్లోకి వెళితే…. హరి అనే వ్యక్తి ఆలిండియా సూర్య ఫ్యాన్స్ క్లబ్ లోని ఒక సభ్యుడు. ఇక హరి పెళ్లి చేసుకోబోతున్నాడు అని తెలిసిన సూర్య తన అభిమానికి సర్ప్రైజ్ ఇచ్చేందుకు వెడ్డింగ్ కు వెళ్ళాడు. అయితే సూర్య వస్తున్నట్లు హరికి తెలియకపోవడం గమనార్హం. అంతేకాకుండా తన అభిమాని పెళ్లిలో సూర్య తానే స్వయంగా మంగళసూత్రాన్ని అతని భార్య మెడలో కట్టమని హరి చేతికి అందించాడు. పెళ్లి మొత్తం అయిపోయే వరకు మండపంలోనే ఉన్న సూర్య చేసిన పనికి హరి కళ్ళల్లో నీళ్ళు తిరిగాయి.
అంతేకాకుండా సూర్య తన అభిమానులందరికీ ఒక మంచి ఉదాహరణగా నిలిచారు. గతంలో కూడా సూర్య తన అభిమానులు ఎవరు కష్టాల్లో ఉన్నారని తెలిసినా చలించిపోయేవాదు. వారికి తన సహాయం అందే వరకు ఊరుకునేవాడు కాదు. ఇలా సూర్య తన అభిమాని పెళ్లికి వెళ్లి అతనిని నిండుమనసుతో దీవించడం అనేది నిజంగా గొప్ప విషయం. ఇక సూర్య ప్రస్తుతం పాండి రాజ్ దర్శకత్వంలో తన తర్వాతి చిత్రం చేయనున్నాడు. గ్రామీణ నేపథ్యంలో సాగే ఈ చిత్రంపై అభిమానులకు ఎన్నో అంచనాలు ఉన్నాయి.