Hitesha Chandranee : గత కొద్దీ కాలంగా జొమాటో బాయ్ కామరాజ్‌ మరియు ఆర్డర్‌ అందుకున్న యువతి హితేషా చంద్రాణి గురించి వస్తున్న అప్డేట్ లు నెట్టింట వైరల్ అవుతున్నాయి. మొదటిలో తప్పు ఎవరిదో తెలుసుకోకుండా హితేషా ముక్కు మీద గాయంతో కన్నీళ్లతో కనిపించగానే అందరూ కోపంతో రగిలిపోయారు. ఆ తరువాత జొమాటో బాయ్ వెర్షన్ కూడా విన్నాక చాలామంది అయోమయంలో పడ్డారు. కొందరు డెలివరీ బాయ్ ని సపోర్ట్ చేస్తుంటే మరికొందరేమో హతేషాని సపోర్ట్ చేస్తున్నారు. ఈ విషయమై చాలామంది సెలెబ్రిటీస్ కూడా డెలివరీ బాయ్ కే సపోర్ట్ చేసారు. అయితే మొదటిగా హితేషా ఏ స్టేషన్ లో అయితే డెలివరీ బాయ్ మీద కేసు పెట్టిందో అదే స్టేషన్ లో ఆ డెలివరీ బాయ్ కూడా ఆమెపై కేసు పెట్టిన విషయం తెలిసిందే. ప్రస్తుతం పోలీసులు విచారణ చేస్తున్నారు.
ఇటీవల హితేషా తన ఇంస్టాగ్రామ్ స్టోరీ లో ఓ సుదీర్ఘ లేఖను పోస్ట్ చేసింది. ఆ లెటర్ లో “నా మీద డెలివరీ బాయ్ దాడి చేసాడు అన్న విషయాన్ని నేను బయటపెట్టినప్పటి నుంచి నాకు బెదిరింపులు వస్తున్నాయి. కొందరైతే నన్ను నా కుటుంబాన్ని చంపుతామంటూ బెదిరిస్తున్నారు. నా వాట్సాప్‌, ఇన్‌స్టాగ్రామ్‌, ఫోన్లు, మెసేజ్‌లు, ఇలా అన్నిటిలోను నన్ను వేధిస్తున్నారు. నేను ప్రస్తుతం నా ముక్కుకు జరిగిన గాయానికి చికిత్స పొందుతున్నాను.
ఇదిలా ఉండగా కొందరు నాదే తప్పు అన్నట్లుగా కథనాలు రాస్తున్నారు. అసలు అందులో వాస్తవమేమిటో తెలుసుకోకుండానే నాపై ఇలా నిందలు మోపుతున్నారు. అంతేకాకుండా మరికొందరు నేను డెలివరీ బాయ్‌పై నమోదు చేసిన కంప్లైంట్ ని వెనక్కు తీసుకోవాలని ఒత్తిడి చేస్తున్నారు. నేను ఎక్కడికీ పారిపోలేదు ఇక్కడే బెంగళూరులోనే ఉన్నాను. పోలీసుల దర్యాప్తులో నిజం తప్పకుండా బయట పడుతుంది. అప్పటి వరకు వేచి చుడండి. అంతేకాని ఇలా తెలియకుండా సపోర్ట్ చెయ్యకండి” అని నెటిన్లను అభ్యర్థించింది.
