స్కూటర్స్ గురించి మాట్లాడుకుంటే కచ్చితంగా చెప్పుకోవాలిసిన పేరు హోండా..! ఈ కంపెనీ టూవీలర్ విభాగంలో బాగా సక్సెస్ అయ్యింది.. స్కూటర్ విభాగంలో అమ్మకాల పరంగా చూస్తే టాప్ కంపెనీగా దూసుకెళ్తోంది.. మోడ్రన్ స్టైల్, హై క్వాలిటీ, విశ్వసనీయమైన పనితీరు , ఇప్పటివరకు మరే ఇతర కంపెనీ పరిచయం చేయనటువంటి వాహనాలు పరిచయం చేస్తుంది.. యాక్టివా వారసత్వాన్ని కొనసాగిస్తూ ఇప్పటివారు 6 జనరేషన్స్ విడుదల చేసిందంటే చూడండి మరి.. ఎంత క్రేజ్ ఉందో.. ప్రస్తుతం స్కూటర్ సెగ్మెంట్లో, హోండా లైనప్ లో యాక్టివా బెస్ట్ సెల్లింగ్ స్కూటర్ గా దుమ్మురేపుతోంది..! భారత్లో అత్యధికంగా అమ్ముడవుతున్న ద్విచక్ర వాహన బ్రాండ్ హోండా యాక్టివా సరికొత్త మైలురాయి చేరుకుంది. యాక్టివా విక్రయాలు 2.5 కోట్ల మార్క్ ను అధిగమించాయని హోండా మోటార్సైకిల్ అండ్ స్కూటర్ ఇండియా ప్రైవేట్ లిమిటెడ్ ప్రకటించింది..! ఈ రికార్డును సొంతం చేసుకున్న మొదటి స్కూటర్స్ బ్రాండ్ ఇదే కావడం విశేషం..!
దేశీయ ద్విచక్ర వాహన తయారీ దిగ్గజం హోండా మోటార్ సైకిల్స్ అండ్ స్కూటర్స్ ఇండియా. భారతదేశ ద్విచక్ర వాహన పరిశ్రమ చరిత్రలో అతి తక్కువ కాలంలో ఈ రేంజ్ లో స్కూటర్లను విక్రయించిన కంపెనీ ఇదే.. 2001లో మొదటిసారి ఇండియాలో యాక్టివా ఆవిష్కరించింది .. మార్కెట్లోకి అడుగుపెట్టిన మూడేళ్లలోనే స్కూటర్ సెగ్మెంట్లో యాక్టివా మార్కెట్ లీడర్ గా నిలిచింది. 2008 – 2009 లో 110 సిసి ఇంజన్ తో యాక్టివా కస్టమర్లకు పరిచయం చేశారు. ఇటీవల కంపెనీ బిఎస్ 6 వెర్షన్ లంచ్ చేయగా దీని కూడా వినియోగదారుల నుంచి విశేష స్పందన వచ్చింది. 2018 లో మొదటి స్థానంలో ఉన్న హీరో మోటార్ సైకిల్ కు చెందిన స్ప్లెండర్ ను అధిగమించి యాక్టివా మొదటి స్థానంలో నిలిచింది.. రెండు దశాబ్దలుగా యాక్టివా మన్నలను పొందుతూనే ఉంది.