Rashmika Mandhana : చలో సినిమా తో ఇండస్ట్రీలో అడుగు పెట్టి ఫస్ట్ సినిమాతోనే మంచి విజయం సాధించిన రష్మిక మందన Rashmika Mandhana అనంతరం స్టార్ హీరోయిన్ గా మారిపోయింది. ప్రస్తుతం టాలీవుడ్ ఇండస్ట్రీలో తెరకెక్కుతున్న పేరుగాంచిన ప్రాజెక్టులలో రష్మిక మందన నటిస్తున్న సినిమాలే ఎక్కువగా ఉన్నాయి. అల్లు అర్జున్ తో “పుష్ప” ఇంకా కొంత మంది స్టార్ హీరోల సినిమాలను లైన్ లో పెట్టడం జరిగింది. ఇదిలా ఉంటే రష్మిక తన డ్రీమ్ తమిళ సూపర్ స్టార్ విజయ్ తో నటించాలని చాలా సందర్భాలలో చెప్పటం మనకందరికీ తెలిసిందే. అయితే తాజాగా ఎట్టకేలకు రష్మిక మందన డ్రీమ్ నెరవేరుతున్నట్లు సరికొత్త టాక్ ఇండస్ట్రీలో వినబడుతోంది. పూర్తి విషయంలోకి వెళితే సౌత్ ఇండియాలో అన్ని భాషలలో రాణిస్తున్న రష్మిక ఇతర ఇండస్ట్రీలో టాప్ హీరోలతో కూడా కలిసి నటిస్తోంది.
ఈ క్రమంలో కోలీవుడ్ ఇండస్ట్రీలో నెల్సన్ దిలీప్ కుమార్ దర్శకత్వంలో విజయ్ ఓ సినిమా చేయబోతున్నాడు. మాస్ ఎంటర్టైనర్గా తెరకెక్కనున్న ఈ మూవీలో హీరోయిన్గా రష్మికను సెలెక్ట్ చేసినట్టు వార్తలు వస్తున్నాయి. ఈ సినిమా పాన్ ఇండియా తరహాలో తెరకెక్కుతున్న నేపథ్యంలో సౌత్ లో మంచి క్రేజ్ కలిగిన హీరోయిన్ గా రష్మిక మందన కి మార్కెట్ ఉండటంతో డైరెక్టర్ నెల్సన్ దిలీప్ కుమార్ ఈ నిర్ణయం తీసుకున్నట్లు కోలీవుడ్ ఇండస్ట్రీలో టాక్. ఇదిలా ఉంటే ఇప్పటికే రష్మిక తమిళంలో సుల్తాన్ అనే సినిమా చేయడం జరిగింది. ఈ సినిమా వేసవి కానుకగా ఏప్రిల్ 2వ తారీఖున రిలీజ్ కానుంది. ఏది ఏమైనా పెద్ద పెద్ద స్టార్ హీరోల సినిమాల ప్రాజెక్టుల అవకాశాలు అందుకుంటూ రష్మిక మందన తన డ్రీమ్ ప్రాజెక్ట్ కి రెడీ అవటం గ్రేట్ అని చాలామంది ఇండస్ట్రీకి చెందిన వాళ్లు ప్రశంసిస్తున్నారు.