Marriage:పెళ్లితో ఒక్కటైన భార్య భర్తలు ఒకరిని ఒకరు పిలిచే విధానం వారి గౌరవాన్ని ప్రేమను తెలియచేస్తుంది. అయితే అందరూ ఉన్నప్పుడు భర్తను భార్య ఎలా పిలవాలో తెలుసుకుందాం. పదిమందిలో ఉన్నప్పుడు లేదా మీ అత్తమామలు ,మీ అమ్మానాన్న గానీ మీ చుట్టూ ఉన్నప్పుడు ఏమండీ, ఏమండీ అని గౌరవంగా పిలవాలి. అలా కాకుండా పేరు పెట్టి పిలవడం, మర్యాద లేకుండా పిలిస్తే మీ వారి గౌరవాన్ని మీ వాళ్ళ ముందు తగ్గించిన వాళ్ళవుతారు.మీరు పర్సనల్ గా ఉన్నప్పుడు ఏమని పిలుస్తారో మీ ఇష్టం..
శ్రీవారు అని సంబోధిస్తే గౌరవంగా, మర్యాదగా మరియు ఆప్యాయంగా కూడా ఉంటుంది. ఎంతో గౌరవం ఉంటే కానీ మనస్సులో నుండి ఈ మాటలు రావు. కాబట్టి మీ ఆయన ను శ్రీవారు అని పిలవండి.. ఇలా పిలవడం వలన మీ ఆయనకు ఎక్కడలేని సంతోషం కలుగుతుంది..మన తెలుగు వాళ్ళు కొన్ని చోట్ల మాత్రమే బావ, మామ అని పిలుస్తారు. కానీ, ఇలా పిలవడం వలన మనస్సు పూర్తిగా…ఆప్యాయంగా పిలిచారు అనే భావన మగవారికి వస్తుంది. ఇలా పిలిచి ఏదైనా చెబితే చాలు, చెప్పు బంగారం అని అడగకుండా ఉండలేరు అంటే నమ్మండి.
నీ కోసం ఏమైనా చేస్తాను బంగారం, బుజ్జి అంటూ మిమ్మల్ని మరింత ప్రేమగా చూసుకుంటారు. ప్రస్తుతం భార్యలు తమ భర్తలను ఎక్కువగా పేరు పెట్టి పిలుస్తున్నారు. అలా పిలవడం వలన తప్పేమీ లేదు కానీ అందరూ ముందు ఇలా పిలిస్తే మాత్రం ఈమెకు వాళ్ళ ఆయన పట్ల గౌరవం తక్కువ అని అనుకుంటారు. పేరు పెట్టి లేదా ముద్దుగా అందరి ముందు కాకుండా మీరు ఇద్దరు ఉన్నప్పుడు పిలుచుకోండి బాగుంటుంది.
భార్య అంటే భర్తకు గౌరవ, మర్యాదలు కలిగించేలా ఉండాలి, మీ వల్ల మీ ఆయనకు అందరి ముందు తలవంచు కునే పరిస్థితి రాకూడదు కదా.