Wife: మన భారతీయ ఆచారాలలో ఎన్నో రహస్యాలు దాగి ఉన్నాయి. కొన్ని ఆచారాల వెనుక ఉన్న కారణాలు మనకి తెలియకపోయినా పాటిస్తూ ఉంటాం. కానీ మన పెద్దలు చెప్పిన ప్రతి విషయంలో ఏదొక రీసన్ ఉంటుంది. భార్య గర్భవతి గా ఉన్నప్పుడు భర్త గృహ నిర్మాణం చేయకూడదు అని మనకి పెద్దలు చెబుతూ ఉంటారు. అయితే ఇంతకీ అలా చెప్పడం వెనుక ఉన్న కారణం ఏమిటో తెలుసా?
సాంప్రదాయ నియమం ప్రకారం ఓ వ్యక్తి తన భార్య గర్భవతిగా ఉన్నప్పుడు గృహ నిర్మాణం చేయకూడదు. చాలా మంది ఈ రెండిటికి మధ్య ఉన్న సంబంధం ఏమిటో అనిఆశ్చర్యపోతూ ఉంటారు. కొందరయితే ఇదొక గుడ్డి మూఢనమ్మకం అని తీసిపారేస్తూ ఉంటారు. కానీ ప్రాచీన ఋషులు అర్ధరహితమయిన వేటిని ఆచరించమని చెప్పలేదు.
సాధారణంగా ఇల్లు కట్టడానికి ఎంతో ధనం అలాగే ఎంతో శ్రద్ధ అవసరం. అలాగే ఇంట్లో ఓ గర్భవతి ఉన్నా అంతే శ్రద్ధ మరియు సహకారం అవసరం. వీటితోపాటుగా భార్య గర్భిణిగా ఉన్నప్పుడు ఆమె కోసం చేసే ఖర్చు కూడా ఎక్కువగానే ఉంటుంది.
నిజానికి ఓ వ్యక్తి రెండు ప్రధాన బాధ్యతలను ఒకేసారి నిర్వర్తించలేడు. అలాగే రెండు బాధ్యతలు ఒకేసారి తీసుకోవడం వలన దేనికి సరైన న్యాయం చేయలేడు. అటువంటి సమయంలో కేవలం ఏదైనా ఒక్కదానినే ఎన్నుకోవాల్సి ఉంటుంది. కాబట్టి తన భార్య గర్భవతిగా ఉన్నప్పుడు ఇంటి నిర్మాణ కార్యాన్ని చేపట్టవద్దని మన ఋషులు చెప్పారు. అలాగే ఈ రెండిటికి అయ్యే ఖర్చు కూడా ఎక్కువగా ఉండడం వలన తన భర్త రెండిటి ఖర్చులు ఒకేసారి మోయడం కష్టం అవుతుంది. ఒకవేళ కావలసిన సౌకర్యాలు ధనం మీకు ఉండి గర్భిణికి కావలిసిన ఏర్పాట్లు చేసి ఆమెను జాగ్రత్తగా చేసుకోగలిగితే మీరు తప్పకుండా గృహనిర్మాణాన్ని చేపట్టవచ్చు.