వివాహ బంధం అతి పవిత్రమైనది.సంసారం అనేది నాలుగు గోడల మధ్య భార్యాభర్తలకు సంబంధించినది.అయితే డబ్బు కోసం ఉచ్ఛనీచాలు మరిచి భార్యతో గడిపిన ఏకాంత దృశ్యాలను బట్టబయలు చేసిన అని నీచమైన భర్త ఉదంతమిది.
గుంటూరులో బీటెక్ విద్యార్థినిని నగ్న చిత్రాలతో బ్లాక్‌మెయిల్ చేసి అత్యాచారం చేసిన ఘటన మరువక ముందే మరో దారుణ ఘటన వెలుగుచూసింది. పనీపాటా లేని పోకిరీ డబ్బు సంపాదించేందుకు నీచమైన మార్గాన్ని ఎంచుకున్నాడు.గుంటూరు నగరంలోని ఏటీ అగ్రహారానికి చెందిన మహిళ తన నగ్న వీడియోలను భర్త సోషల్ మీడియాలో అప్లోడ్ చేశాడంటూ పోలీసులకు ఫిర్యాదు చేసింది.కలకలం రేపుతున్న ఈ ఘటన వివరాలు.. పనీపాటా లేకుండా తిరిగే పోకిరీ యూట్యూబ్‌లో వీడియోలు అప్లోడ్ చేసి డబ్బులు సంపాదించాలనుకున్నాడు. ఈజీ మనీ కోసం అత్యంత నీచానికి ఒడిగట్టాడు. భార్యతో ఏకాంతంగా ఉన్న వీడియోలు తీసి యూట్యూబ్‌లో అప్లోడ్ చేశాడు.
నగ్న వీడియోలు సోషల్ మీడియాలో అప్లోడ్ చేసిన విషయం తెలుసుకున్న భార్య నేరుగా పోలీసులను ఆశ్రయించింది. నీచపు భర్త బాగోతంపై పోలీసులకు ఫిర్యాదు చేసింది.విషయం పోలీసు ఉన్నతాధికారుల దృష్టి కి వెళ్ళడంతో సీరియస్‌గా తీసుకున్న పోలీసులు దిశా పోలీస్ స్టేషన్‌కి కేసును బదిలీ చేశారు. ఐటీ కోర్ బృందం యూట్యూబ్‌లో అప్లోడ్ చేసిన వీడియోలను తొలగించే పనిలో ఉన్నట్లు తెలుస్తోంది.అలాంటి సంఘటనలు తరచూ జరుగుతుండడంతో అక్కడ పోలీసులు సోషల్ మీడియాపై నిఘా పెట్టడమే కాకుండా యూట్యూబ్ వారికి లేఖరాసే ఆలోచనలో ఉన్నారట .వీడియోలు అప్లోడ్ చేసే విధానాన్ని సమీక్షించమని యూట్యూబ్ వారిని కోరుతామని పోలీసు ఉన్నతాధికారి ఒకరు చెప్పారు.
