బ్రహ్మానందం గురించి ప్రత్యేకంగా చెప్పుకోవాలా? ఆయన టాలీవుడ్ కే కింగ్. కామెడీ అంటేనే బ్రహ్మానందం గుర్తొస్తారు. కామెడీకి రారాజు ఆయన. ఎంతమంది కమెడియన్లు వచ్చినా.. బ్రహ్మానందం తర్వాతే. అప్పట్లో ఆయనకున్న క్రేజ్ మామూలుది కాదు. ఆయన కోసమే ప్రత్యేకంగా పాత్రలు పెట్టి సినిమాల్లో నటింపజేసిన రోజులు ఉన్నాయి. ఎంత పెద్ద స్టార్ హీరో అయినా సరే.. ఆ సినిమాలో బ్రహ్మానందం ఉండాల్సిందే. బ్రహ్మానందం సినిమాలో ఉన్నారంటే చాలు.. సినిమా సూపర్ హిట్ అయినట్టే.
అటువంటి కామెడీ రారాజుతో.. జబర్దస్త్ హైపర్ ఆది కామెడీలు చేశాడట. బ్రహ్మానందానికే.. ఆది చుక్కలు చూపించాడట. బ్రహ్మానందంతో తనకు జరిగిన ఓ ఘటనను హైపర్ ఆది.. ఓ ఇంటర్వ్యూలో తెలిపాడు.
ఓసారి బ్రహ్మానందం… హైపర్ ఆదికి కాల్ చేశారట. ఆది.. నేను బ్రహ్మానందాన్ని అని ఆయన అనే సరికి.. అయితే ఏంటి? నువ్వు బ్రహ్మానందం అయితే నేను ఆది.. హైపర్ ఆది అంటూ చాలా ఘోరంగా మాట్లాడాడట ఆది.
ఫోన్ లో బ్రహ్మానందం వాయిస్ వచ్చినప్పటికీ.. తనను ఎవరో ఆటపట్టిస్తున్నారేమో అని అనుకొని.. ఆయన మాట వినకుండా.. హైపర్ ఆది ఆవేశపడ్డాడట.
దీంతో బ్రహ్మానందం సీరియస్ గా నేను బ్రహ్మానందాన్న అని గట్టిగా చెప్పడంతో.. అప్పటికి హైపర్ ఆదికి అసలు విషయం అర్థం అయి.. సారీ సార్ అని చెప్పి.. మాట్లాడాడట. దాని గురించి ఈసందర్భంగా హైపర్ ఆది గుర్తు చేసుకున్నాడు.