Ukraine Russia War: ఉక్రెయిన్ పై రష్యా యుద్ధం కొనసాగుతూనే ఉంది. మూడు వారాలుగా ఉక్రెయిన్ పై రష్యా భీకర పోరు సాగిస్తోంది. ఉక్రెయిన్ లోని అనేక నగరాలు క్షిపణి దాడులు, బాంబు దాడులతో ధ్వంసం అయ్యాయి. ఉక్రెయిన్ రాజధాని కీవ్ ను స్వాధీనం చేసుకునేందుకు రష్యా భీకర దాడులు కొనసాగిస్తుండగా ఉక్రెయిన్ ధీటుగా ఎదుర్కొంటోంది ప్రపంచ దేశాల ఆంక్షలను సైతం లెక్క చేయకుండా రష్యా యుద్ధాన్ని కొనసాగిస్తూనే ఉంది. ఈ తరుణంలో రష్యాకు అంతర్జాతీయ న్యాయస్థానం (ఐసీజే) కీలక ఆదేశాలు జారీ చేసింది. ఉక్రెయిన్ పై చేస్తున్న సైనిక చర్యను వెంటనే నిలుపుదల చేయాలని, ఆ దేశ భూభాగం నుండి రష్యా తన సైనికులను ఉపసంహరించుకోవాలని అంతర్జాతీయ న్యాయస్థానం స్పష్టం చేసింది. ఉక్రెయిన్ భూభాగంపై ఇక నుండి రష్యా సేనలు గానీ, దానికి మద్దతు ఇచ్చే సాయుధ బలగాలు గానీ ఎలాంటి చర్యలకు పాల్పడవద్దని కోర్టు అధ్యక్షుడు, యూఎస్ న్యాయమూర్తి జోన్ ఈ డోనోగ్యూ తెలిపారు.
Ukraine Russia War: రష్యా సైనిక చర్య ఆపేయాలి
ఉక్రెయిన్ పై రష్యా సైనిక చర్య చేపట్టిన నేపథ్యంలో రెండు వారాల క్రితం ఉక్రెయిన్ అధ్యక్షుడు జెలెన్ స్కీ అంతర్జాతీయ న్యాయస్థానంలో పిటిషన్ దాఖలు చేశారు. ఈ పిటిషన్ ను విచారించిన కోర్టు తీర్పు వెల్లడించింది. రష్యాపై ఐసీజేలో వేసిన కేసులో తమ దేశం పూర్తిగా విజయం సాధించినట్లు ఉక్రెయిన్ అధ్యక్షుడు జెలెన్ స్కీ పేర్కొన్నారు. మరో పక్క ఉక్రెయిన్ అధ్యక్షుడు విజ్ఞప్తి మేరకు భారీగా సాయం అందజేస్తామని పేర్కొంది. ఉక్రెయిన్ కు అండగా నిలుస్తామనీ, ఉక్రెయిన్ పై రష్యా విజయం సాధించనీయమని స్పష్టం చేశారు అమెరికా అధ్యక్షుడు జోబైడెన్.