Pseudo Ghee: మన దేశం లో ఎక్కువగా వెన్న నుంచే నెయ్యిని తయారు చేస్తారు. పూజల దగ్గర నుంచి మాంహాసారం వరకు అన్నింటిలో ఘుమఘుమలాడే నెయ్యిని వేయవలిసిందే. చాలామంది ఇంట్లోనే స్వచ్చం గా నెయ్యిని తయారు చేసుకుంటారు. ఇంకా కొంత మంది మార్కెట్‌లో దొరికే నెయ్యిని కొనుక్కుంటూ ఉంటారు. ఐతే ఇప్పుడు అంతా కల్తీమయం చేసేస్తున్నారు. మరి మీరు వాడుతున్న నెయ్యి మంచిదా లేదా కల్తీదా? అని ఖచ్చితంగా తెలుసుకుని మరి వాడాలి.
కల్తీ నెయ్యిని వాడితే ,అనారోగ్యాన్ని ఆహ్వానించినట్టె. మంచి నెయ్యిని తెచ్చుకునేందుకు ఇలా చేస్తే చాలా తేలికగా నకిలీ నెయ్యిని కనిపెట్టవచ్చు. అసలైన నెయ్యిని తెలుసుకునేందుకు 4 లేదా 5 చుక్కలు అయొడిన్ నెయ్యి లో వేయండి. అది నీలి రంగులో కి వస్తే అదిమంచిది కాదని తెలుసుకోండి . నెయ్యి లో ఆలుగడ్డ వంటి పిండి పదార్థాలు కలపడం వలన ఈ రంగు వస్తుంది.
మంచి నెయ్యి తెల్లగా గడ్డకట్టినట్లుగా ఉంటుంది. పూసపూసలా కనిపిస్తుంది. వేడి మీద మాత్రమే నూనెలా కనిపిస్తుంది. అదే కల్తీ నెయ్యి కి ఇలా ఉండదు. ఏ మాత్రం చిక్కగాలేకపోయినా కల్తీ అయినట్లుగా గుర్తు పట్టవచ్చు .
ఒక స్పూన్ నెయ్యి తీసుకుని అందులో కొంచెం పంచదారవేసి దానికి హైడ్రాక్లోరిక్ ఆమ్లాన్ని కొంచెం కలపండి. అది ఎరుపు రంగు లోకి వస్తే కల్తీ అని తెలుసుకోవాలి .
నెయ్యి నాణ్యత ఇంకా తేలికగా గుర్తించేందుకు ఇంకో మంచి చిట్కా కూడా ఉంది. చేతిలో కాస్త నెయ్యి వేసుకుని రెండో చేతితో బాగా రుద్ది కాసేపయ్యాక వాసన చూస్తే ,నెయ్యి వాసన రాకపోతే అది కల్తీ . నాణ్యమైన నెయ్యి ఎప్పుడూ సువాసన కలిగి ఉంటుంది . ఇలా రుద్దిన వెంటనే వాసనపోదు.
మార్కెట్‌లో దొరికే నెయ్యి లో కొందరు రసాయనాలుకలిపేస్తున్నారు. ఇది ఆరోగ్యానికి చాలా హాని చేస్తుంది.అందుకే అలాంటి వాటికి దూరం గా ఉండడం మంచిది. కాబట్టి ఈ చిట్కాలు పాటించి.. అసలైన నెయ్యిని కనిపెట్టండి .
