ఈ ఆధునిక కాలం లో ఒత్తిడి తెలియని వారంటూ ఉండడం లేదు అనడం లో ఎలాంటి ఆశ్చర్యము లేదు. రక రకాల పనుల ఒత్తిడి కారణం గా నిద్ర కూడా దూరమవుతున్న పరిస్థితులు కనబడుతున్నాయి. ఆలోచనలు, కుటుంబ సమస్యలు, ఆఫీస్ లో పని ఒత్తిడి వీటన్నిటి కారణంగా విపరీతంగా ఆందోళన కలుగుతుంది. దాన్ని అలాగే వదిలేస్తే సమస్య ఇంకా పెరిగిపోతుంది కాబట్టి ఒత్తిడి నుంచి ఎలా బయటపడా లో ఏమి చేయాలోఆలోచించాలి.
ఒత్తిడిని తగ్గించే కొన్ని విషయాల గురించి తెలుసుకుందాం..
రాత్రి నిద్ర 7 నుండి8 గంటల పాటు కచ్చితం గా ఉండి తీరవలిసిందే అన్న విషయాన్ని గుర్తుపెట్టుకు తీరాలి. ఎందుకంటే అస్సలు ఒత్తిడికి సగం కారణం రాత్రి నిద్ర చాలాకపోవడం అని అంటున్నారు నిపుణులు. మధాహ్నసమయం లో కనీసం అరగంట కుదిరితే గంట నిద్రపోయేలా ప్లాన్ చేసుకోండి. దీని వలన ఆందోళన తగ్గి ఉల్లాసం గా ఉంటారు. మీరు బాగా ఆనందం పొందిన సందర్భాలనూ, సానుకూలంగా స్పందించిన పరిస్థితులూ ఒక్కసారి గుర్తు తెచ్చుకోండి. దాంతో మీకు కలుగుతున్న ఒత్తిడి లో కొంత మార్పు కనిపిస్తుంది. కనీసం 20 సార్లు దీర్ఘంగా శ్వాస తీసుకుని వదలడం వలన మనస్సుకే కాదు శరీరానికీ విశ్రాంతి అందటం తో పాటు ఆందోళన కొంత వరకూ తగ్గుతుంది.
కొన్నిసార్లు అనవసరంగా ఊహించుకోవడం వల్ల కూడా ఆందోళనకలుగుతుంది. మీరలా ఊహించ కుండా ఆ ఆలోచనలు పక్కనపెట్టి ఏదైనా పనిలో పడండి. ఒక్కోసారి సరైన ప్లాన్ లేకపోవడం వల్ల కూడా కంగారు, ఆందోళన కలుగుతూ ఉంటుంది. అందువలన మీరు రేపు చేయవలిసిన పనుల్ని ఈ రోజే ఏ పని తర్వాత ఏ పని చేయాలో రాసి పెట్టుకుని అలా చేసుకోవడం వలన చాల ప్రశాంతం గా మీ పనులు జరుగుతాయి. బాగా ఒత్తిడి గాఅనిపించినప్పుడు ఒకటి రెండు రోజులు మీ పనులన్నిటి నుంచి పూర్తిగా విశ్రాంతి తీసుకుని మీకు బాగా ఇష్టమైన విధం గా గడపడం వలన ఆందోళను దూరం అవుతుంది.